Mumbai News: पश्चिम रेल्वेच्या बॅटमॅन पथकाने गेल्या चार दिवसांत चार हजारांपेक्षा जास्त फुकट्या प्रवाशांवर कारवाई करत दहा लाखांपेक्षा जास्त महसूल गोळा केला आहे. (Mumbai Local News)

रात्री विनातिकीट प्रवास करणाऱ्या फुकट्या प्रवाशांना आळा घालण्यासाठी पश्चिम रेल्वेने बॅटमॅन (बी अवेअर टीटीई मॅनिंग अॅट नाइट) या पथकाची स्थापना केली असून हे पथक रात्रीच्या वेळेस तिकीट तपासणी करून फुकट्या प्रवाशांवर कारवाई करत आहे.(mumbai local)

लोकलमधून रात्री अनेक प्रवासी बिनधास्तपणे विनातिकीट प्रवास करत असल्याचा तक्रारी रेल्वेला प्राप्त झाल्या होत्या. विशेष म्हणजे, रात्री आठ वाजल्यानंतर लोकल स्थानकावर तिकीट तपासणी जवळपास बंद असते. (mumbai local batman)

त्यामुळे रात्रीच्या वेळी फुकट्या प्रवाशांची संख्या वाढते. त्यामुळे रात्री लोकलमध्ये फुकट्या प्रवाशांना आळा घालण्यासाठी पश्चिम रेल्वेच्या मुंबई विभागाने बॅटमॅन या पथकाची स्थापना केली असून हे पथक रात्रीच्या वेळेस फुकट्या प्रवाशांवर कारवाई करत आहे.

‘बॅटमॅन’ पथकाने आपले मिशन सोमवारी रात्रीपासून सुरू केले आहे. गेल्या चार दिवसांत तीन हजार ६७९ हून अधिक तिकीट नसलेल्या प्रवाशांना पकडले आहे. या फुकट्या प्रवाशांकडून पथकाने दहा लाखांपेक्षा जास्त रुपयांचा दंड वसूल केला. (mumbai local batman squad)