Mumbai News: पहिल्या मासिक पाळीचा त्रास सहन न झाल्याने किशोरवयीन मुलीने कथितरीत्या आत्महत्या करून जीवन संपवल्याची घटना मुंबईत उघडकीस आली आहे. मंगळवारी (ता. २६) संध्याकाळी मालाडच्या मालवणी परिसरात ही घटना घडली. याप्रकरणी पोलिसांनी अपमृत्यूची नोंद केली आहे.
मालाडच्या मालवणी परिसरात राहत असलेल्या या १४ वर्षीय मुलीने मंगळवारी गळफास घेत जीवन संपवले. कुटुंबीयांना याची माहिती होताच त्यांनी तिला रुग्णालयात दाखल केले; परंतु डॉक्टरांनी तपासणी केल्यानंतर तिला मृत घोषित केले. पोलिसांनी मृत मुलीच्या पालकांची चौकशी केली असता त्यांनी कुणाहीविरोधात तक्रार दाखल केली नाही.
मुलीला पहिल्यांदाच मासिक पाळी आली होती. तिला त्याचा त्रास होत होता. हा त्रास सहन न झाल्याने मुलीने हे पाऊल उचलल्याचा निष्कर्ष पोलिसांनी पालकांचा जबाब नोंदवल्यानंतर काढला. शवविच्छेदन केल्यानंतर मृतदेह पालकांच्या स्वाधीन करण्यात आला. दरम्यान, अशाप्रकारची ही पहिलीच घटना असल्याने वैद्यकीय क्षेत्रातील तज्ज्ञांकडूनही आश्‍चर्य व्यक्त केले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.