Mumbai Local News: बायको सोबत राहत नाही म्हणून दादर आणि कल्याण रेल्वेस्थानके बॉम्बने उडवून देण्याची धमकी देणाऱ्यास पेल्हार पोलिस ठाण्याच्या गुन्हे प्रकटीकरण शाखेने बेड्या ठोकल्या आहेत.( Crime Investigation Branch of Pelhar Police Station)

विकास शुक्ला (वय ३५) असे अटक केलेल्याचे नाव असून पेल्हार पोलिस ठाण्यात गुन्हा दाखल झाला आहे.

अनोळखी मोबाईलवरून २९ मार्चला मिरा रोड येथील मिरा-भाईंदर, वसई-विरार पोलिस आयुक्तालयात दादर आणि कल्याण रेल्वेस्थानके बॉम्बने उडवून देण्याच्या धमकीचा कॉल आला होता.

या कॉलचे गांभीर्य लक्षात घेऊन वरिष्ठ पोलिस निरीक्षक जितेंद्र वनकोटी यांनी तत्काळ तपासाचे आदेश दिले. तांत्रिक माहिती आणि गुप्त माहितीच्या आधारे संशयित विकास शुक्ला (वय ३५) याला ताब्यात घेतले.(Suspect Vikas Shukla (age 35) was detained based on information and intelligence.)

त्याची चौकशी केली असता दीड वर्षांपासून त्याची पत्नी त्याच्यासोबत राहत नव्‍हती. ती दादर येथे कामाला जात होती, तर कल्याणमध्ये राहत असल्याने त्याने ही दोन्ही स्थानके उडवून देण्याची धमकी दिल्याचे त्याने सांगितले.

मात्र त्याच्या कॉलमुळे संपूर्ण यंत्रणाच कामाला लागली. पेल्हार पोलिस ठाण्यात त्याच्यावर गुन्हा दाखल करण्यात आला आहे.(A case has been registered against him in Pelhar police station)