Palghar News: आगरवाडी रामबाग येथील एका कंपनीजवळ झालेल्या हत्या प्रकरणातील आरोपीला तब्बल २९ वर्षांनी पकडण्यात पोलिसांना यश आले आहे.

गुजरातमधील पारडी येथून या आरोपीला मंगळवारी (ता. २) अटक करण्यात आली. पुढील कारवाईसाठी त्याला सफाळे पोलिसांच्या स्वाधीन करण्यात आले. (Maharashtra Crime News)

१९९५ मध्ये आगरवाडी रामबाग येथील एका कंपनीच्या पाठीमागे हरेश पटेल आणि मोहन दुबळी यांच्यात काही कारणावरून भांडण झाले होते. या भांडणात हरेश पटेल याने मोहन दुबळी यांची हत्या केली.(crime news)

पोलिसांनी हरेश पटेल याला अटक करून न्यायालयात हजर केले असता त्याला पोलिस कोठडी सुनावण्यात आली होती; पण २६ एप्रिल १९९५ ला तो पोलिसांच्या तावडीतून पळून गेला. मूळचा आसाम येथील असलेल्या हरेशचा शोध पोलिसांनी तेथे जाऊन घेतला; पण त्याचा थांगपत्ता लागला नव्हता.(Palghar Crime News)

आता तब्बल २९ वर्षांनी तो गुजरातमधील पारडी येथे असल्याची माहिती पोलिसांना मिळाली. त्यानंतर सापळा रचून त्याला २ एप्रिल रोजी अटक करण्यात आली. शोध पथकामध्ये स्थानिक गुन्हे शाखेचे पोलिस निरीक्षक अनिल विभुते यांच्या मार्गदर्शनाखाली पोलिस उपनिरीक्षक रवींद्र वानखेडे, राजेश वाघ, पोलिस हवालदार राकेश पाटील यांनी ही कामगिरी केली.(marathi Crime)