सकाळ वृत्तसेवा
मुंबई, ता. ४ : मुलुंडच्या पश्चिमेकडील वैशालीनगर परिसरात रस्त्यावरील भटक्या श्वानाला मारहाण करण्यास मनाई केल्यामुळे दोघांवर चाकूने हल्ला केल्याची घटना बुधवारी (ता. ३) घडली होती. याप्रकरणी मुलुंड पोलिसांनी दिनेश बोरेचा (वय ६०) याला अटक केली आहे.
कांदिवली परिसरात वास्तव्यास असलेली ५० वर्षीय महिला तिच्या राहत्या इमारतीलगतच्या रस्त्यावर उभी होती. याच वेळी तिथून जाणाऱ्या दिनेश बोरेचा याने रस्त्यावरील भटक्या श्वानाला मारहाण केली. त्यामुळे महिलेने मारहाण थांबवण्यास सांगताना बोरेचा याला जाब विचारला होता. यावरून दोघांमध्ये वाद झाला. हा वाद एवढा विकोपाला गेला की बोरेचा याने खिशातील चाकू काढत महिलेवर हल्ला केला होता. यावेळी महिलेच्या बचावासाठी आलेल्या तिच्या नातेवाइकांवरही बोरेचाने चाकूने हल्ला केला. त्यात जखमी असलेल्या दोघांवर सायन रुग्णालयात उपचार सुरू आहेत. दरम्यान, गस्तीवर असलेल्या पोलिसांनी हल्लेखोराला अटक केली असून पीडित महिला, आरोपी एकमेकांना ओळखत असल्याची माहिती समोर आली आहे.
------------------------------
६ एप्रिलपर्यंत कोठडी
रागीट स्वभावाचा असलेल्या बोरेचा याने अनेकदा हिंसक कृत्य केल्याचे तपासात समोर आले आहे. स्वतःच्या सुरक्षेसाठी नेहमी चाकूसोबत ठेवत असल्याचे चौकशीदरम्यान त्याने कबूल केले. तसेच आरोपी मानसिक रुग्ण आहे. न्यायालयाने त्याला ६ एप्रिलपर्यंत पोलिस कोठडी सुनावली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.