Vashi News: नवी मुंबई महापालिकेची कोणत्याही प्रकारची बांधकामासाठी पूर्वपरवानगी न घेता बेकायदा आरसीसी बांधकाम केल्याप्रकरणी रबाळे पोलिस ठाण्यात हंसराम चौधरी नावाच्या विकसकाविरोधात गुन्हा दाखल करण्यात आला आहे.
नवी मुंबई महापालिकेचे अतिक्रमण उपायुक्त डॉ. राहुल गेठे यांच्या आदेशान्वये व घणसोली विभाग अधिकारी संजय तायडे यांच्या मार्गदर्शनाखाली घणसोली विभागाचे अतिक्रमण उपअभियंता रोहित ठाकरे यांनी रबाळे पोलिस ठाण्यात तक्रार नोंदवली होती. त्यानुसार पोलिसांनी गुन्हा दाखल केला आहे.
घणसोली, समर्थनगर येथे २२ बाय १६ मीटर जागेवर महापालिकेची कोणत्याही प्रकारची बांधकाम परवानगी न घेता, अनधिकृतपणे आरसीसी बांधकाम प्रगतिपथावर असल्याचे निदर्शनास आले होते. याबाबत बेकायदा बांधकाम करणाऱ्या हंसराम चौधरी या विकसकास नवी मुंबई महापालिकेतर्फे घणसोली विभाग कार्यालयाकडून २०२३ मध्ये नोटीस बजावली होती.
तसेच हे अनधिकृत बांधकाम थांबविण्याचे आदेश दिले होते; मात्र महापालिकेच्या या नोटिशीनंतरही संबंधिताने बांधकाम उभारणीचे काम सुरूच ठेवले होते. त्यामुळे घणसोली अतिक्रमण उपअभियंता रोहित ठाकरे यांनी रबाळे पोलिस ठाण्यात दिलेल्या तक्रारीवरून चौधरी याच्याविरोधात गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.