Navi Mumbai: उलवे येथील वहाळ गावाजवळ अमली पदार्थांची विक्री करण्यासाठी आलेल्या एका नायजेरीयन नागरिकाला अमली पदार्थविरोधी पथकाने सापळा लावून अटक केली.
ओईनकेवुकेवु ईलजिआह आयफिनयी (३०) असे अटक केलेल्याचे नाव असून पोलिसांनी त्याच्याजवळ असलेला १० लाख १० हजार रुपये किमतीचा १०१ ग्रॅम वजनाचा एम. डी. (मेफेड्रॉन) जप्त केला आहे.
उलवेमधील वहाळ गावालगत शनिवारी रात्री ८.३० वाजण्याच्या सुमारास एक नायजेरीयन अमली पदार्थाची विक्री करण्यासाठी येणार असल्याची माहिती अमली पदार्थविरोधी पथकाला मिळाली होती.
त्यामुळे वरिष्ठ पोलिस निरीक्षक नीरज चौधरी व त्यांच्या पथकाने शनिवारी रात्री वहाळ गावाकडून किल्ला जंक्शनकडे जाणाऱ्या सेवा रस्त्यावर सापळा लावला होता. रात्री पावणेनऊ वाजण्याच्या सुमारास ओईनकेवुकेवु हा दुचाकीवरून आला असता पोलिसांनी त्याला ताब्यात घेतले.
त्याच्याजवळ १० लाख १० हजार रुपये किमतीचा १०१ ग्रॅम वजनाचा एम. डी. (मेफेड्रॉन) आढळून आला. त्यानंतर अमली पदार्थविरोधी पथकाने एनआरआय पोलिस ठाण्यात त्याच्या विरोधात गुन्हा नोंदवून अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.