Uran News: चिरनेर-दिघाटी रस्त्यावर अज्ञात महिलेचा मृतदेह छिन्नविछिन्न अवस्थेत आढळला होता. यामुळे चिरनेर- दिघाटी परिसरात एकच खळबळ माजली होती. उरण पोलिसांनी संबंधित अज्ञात महिलेचा मृतदेह ताब्यात घेतला असून याप्रकरणी अधिक तपास सुरू केला आहे.
चिरनेर-दिघाटी रस्त्यावर वाहनांची मोठ्या प्रमाणावर वर्दळ असते. मागील आठवड्यात वर्दळीच्या रस्त्यालगत मोठ्या प्रमाणावर दुर्गंधी येत होती. त्यामुळे स्‍थानिकांनी पाहणी केली असता चिरनेर- दिघाटी रस्त्यालगत एका अज्ञात महिलेचा मृतदेह आढळून आला.
महिलेचा मृतदेह पाहून परिसरातील नागरिकांनी तत्काळ घटनेची माहिती उरण पोलिसांना दिली. उरण पोलिसांनी छिन्नविछिन्न अवस्थेतील अज्ञात महिलेचा मृतदेह ताब्यात घेतला. मृतदेहाचा पंचनामा करून उरण येथील इंदिरा गांधी ग्रामीण रुग्णालयात शवविच्छेदनासाठी पाठवण्यात आला.
संबंधित महिलेची ओळख अद्यापही पटलेली नाही. त्यामुळे महिलेची हत्‍या झाली आहे की तिने आत्महत्या केली असावी, याचा तपास उरण पोलिस करत आहेत. संबंधित महिलेची माहिती असल्यास पोलिसांना सहकार्य करावे, असे आवाहन उरण पोलिस ठाण्याचे वरिष्ठ पोलिस निरीक्षक सतीश निकम यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.