कळवा, ता. २५ (बातमीदार) : कारखान्याच्या मालकाकडून लाच स्वीकारताना एका पोलिस उपनिरीक्षकासह हवालदाराला रंगेहाथ पकडण्यात आले आहे. लाचलुचपत प्रतिबंधक विभागाने बुधवारी (ता. २४) ही कारवाई केली. वाडीवरे नाशिक येथील ॲल्युमिनियमची पट्टी बनवणाऱ्या कारखान्याच्या मालकाकडून या पोलिस कर्मचाऱ्यांनी एक लाख ९० हजार रुपयांची लाचेची मागणी केली होती.
नाशिक जिल्ह्यातील वाडीवरे येथील कारखान्यातील ॲल्युमिनियम पट्टी घेऊन आलेला टेम्पो मुंबई येथे १६ एप्रिलला आला होता. त्यावेळी कळवा पोलिसांनी हा टेम्पो अडवून जप्त केला होता. हा टेम्पो सोडवण्यासाठी कारखान्याचा मालक गेला असता तेथील पोलिस हवालदार माधव दराडे याने दोन लाख रुपयांच्या लाचेची मागणी केली. त्यामुळे कारखान्याच्या मालकाने लाचलुचपत प्रतिबंधक विभागाकडे तक्रारी केली. त्यानुसार लाचलुचपत प्रतिबंधक विभागाने बुधवारी सापळा रचून एक लाख ९० हजार स्वीकारताना पोलिस हवालार दराडे आणि पोलिस उपनिरीक्षक तुषार पोतेकर याला रंगेहाथ पकडले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.