मुंबई, ता. २५ : उन्हाळ्याच्या सुट्ट्यांमुळे कोकणात जाणाऱ्या प्रवाशांची संख्या प्रचंड वाढल्याने मध्य रेल्वेने लोकमान्य टिळक टर्मिनस ते थिविदरम्यान आणखी ३६ त्रि-साप्ताहिक एसी स्पेशल रेल्वे गाड्या चालवण्याची घोषणा केली आहे. त्यामुळे मुंबई ते गोवा दरम्यान प्रवास सुखकर होणार आहे.
मध्य रेल्वेने दिलेल्या माहितीनुसार, ट्रेन क्रमांक ०१०१७ एलटीटी - थिवीम त्रि-साप्ताहिक एसी स्पेशल ट्रेन लोकमान्य टिळक टर्मिनस येथून २६ एप्रिल ते ४ जूनपर्यंत दर मंगळवार, शुक्रवार आणि रविवारी रात्री १०.१५ वाजता सुटेल आणि दुसऱ्या दिवशी सकाळी ९.५० वाजता थिविमला पोहोचेल; तर ट्रेन क्रमांक थिवीम-एलटीटी त्रि-साप्ताहिक एसी स्पेशल ट्रेन थिविम येथून २७ एप्रिल ते ५ जून पर्यंत दर सोमवार, बुधवार आणि शनिवारी संघ्याकाळी ४.३५ वाजता सुटेल आणि लोकमान्य टिळक टर्मिनस, मुंबईला दुसऱ्या दिवशी मध्य रात्री ३.४५ वाजता पोहोचेल. या दोन्ही दिशेच्या ट्रेनला ठाणे, पनवेल, रोहा, माणगाव, वीर, खेड, चिपळूण, सावर्डा, संगमेश्वर रोड, रत्नागिरी, आडवली, विलवडे, राजापूर, वैभववाडी रोड, कणकवली, सिंधुदुर्ग, कुडाळ आणि सावंतवाडी रोड स्थानकांनावर थांबणार आहेत. या उन्हाळी एसी स्पेशल रेल्वे गाड्यांचे आरक्षण भारतीय रेल्वेच्या सर्व आरक्षण केंद्रावर आणि आयआरसीटीसीच्या संकेस्थळावर सुरू होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.