Poladpur News: मुंबई- गोवा महामार्गावर अपघातांचे प्रमाण वाढत आहे. या महामार्गावरील पोलादपूर हद्दीतील धामणदेवी गावाच्या जवळ तिहेरी अपघात झाला. या अपघातात दुचाकीस्वाराचा मृत्‍यू झाला असून सहप्रवासी जबर जखमी झाला आहे.

संतोष दत्ताराम साळुंखे (वय ५२) असे मयत झालेल्‍या दुचाकीस्‍वाराचे नाव आहे. महामार्गावरून रत्नागिरी दिशेला जाणाऱ्या भरधाव टेम्‍पोला (केए १९ एई ३०७८) समोरून येणाऱ्या दुचाकीने धडक दिली. त्‍यानंतर दुचाकीने होंडा कारलादेखील धडक दिली.

यामध्ये दुचाकीस्‍वारासह मागे बसलेला प्रवासी जबर जखमी झाला. त्‍यांना पोलादपूर येथील ग्रामीण रुग्णालयात दाखल करण्यात आले. या वेळी उपचारादरम्‍यान दुचाकीस्‍वाराचा मृत्‍यू झाला; तर सहप्रवाशावर उपचार सुरू आहे.