घणसोलीमधून अडीच लाखांचा गुटखा जप्त
नवी मुंबई, ता. ३० (वार्ताहर) : रबाळे पोलिसांनी नुकतेच घणसोली सेक्टर सहा येथून उभ्या असलेल्या छोट्या टेम्पोवर छापा मारून विक्रीकरिता साठवून ठेवलेला सुमारे अडीच लाख रुपये किमतीचा गुटखा, सुगंधीत पान मासाला व तंबाखूजन्य पदार्थांचा साठा जप्त केला आहे. याप्रकरणी मोनू रामासीस गुफ्ता ( वय २३) याला अटक केली आहे. पोलिसांनी गुटखा व पान मसाल्याचा पुरवठा करणाऱ्या पुरवठादारांचा शोध सुरू केला आहे.
घणसोली सेक्टर सहामधील कारगील सोसायटीच्या बाजूला उभ्या असलेल्या एका टाटा मॅजिक टेम्पोमध्ये गुटखा, पान मसाला व सुगंधीत तंबाखूचा साठा विक्री करण्यासाठी अवैधरीत्या साठवणूक करून ठेवण्यात आल्याची माहिती रबाळे पोलिसांना मिळाली होती. सदर माहितीच्या आधारे पोलिस उपनिरीक्षक सुमित किंद्रे व त्यांच्या पथकाने सदर ठिकाणी संशयीतरीत्या उभ्या असलेल्या टाटा मॅजिक टेम्पोवर छापा मारला. यावेळी टेम्पोमध्ये नऊ गोण्यांमध्ये भरून ठेवण्यात आलेला सुमारे अडीच लाख रुपये किमतीचा प्रतिबंधित गुटखा, सुगंधित तंबाखू व पान मसल्याचा साठा आढळून आला. यावेळी पोलिसांनी गुटख्याचा साठा जप्त करून तो पुढील कार्यवाहीसाठी अन्न व औषध प्रशासन विभागाच्या ताब्यात दिला आहे. या प्रकरणी पोलिसांनी मोनू रामासीस गुप्ता याच्याविरोधात गुन्हा दाखल करून त्याला अटक केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.