श्री एकवीरा देवस्थान ट्रस्टची त्वरित निवडणूक घ्या
सर्वोच्च न्यायालयाने देवस्थान ट्रस्टची याचिका फेटाळली
वाशी, ता. १ (वार्ताहर) : पुणे जिल्ह्यातील प्रसिद्ध श्री एकवीरा देवी देवस्थान ट्रस्टवर देवीच्या भक्तांमधून दोन सदस्य निवडण्याकरिता निवडणूक घेण्यात येणार होती; परंतु या निवडणुकीला देवस्थान ट्रस्टच्या वतीने आक्षेप घेण्यात आला होता. ही निवडणूक लढवू इच्छिणारे नवी मुंबईतील रहिवासी ॲड. चेतन रमेश पाटील यांच्या विरुद्ध एकवीरा देवस्थान ट्रस्टच्या सदस्यांकडून सर्वोच्च न्यायालयात याचिका दाखल करण्यात आली होती. ही याचिका सर्वोच्च न्यायालयाने फेटाळली असून या ट्रस्टच्या त्वरित निवडणुका घेण्याचे निर्देश सर्वोच्च न्यायालयाने सोमवारी (ता. २९) दिले.
कोळी, आगरी, भंडारी, भोई, वैती, मांगेला या समाजाची कुलदेवता म्हणून ओळखल्या जाणाऱ्या एकवीरा देवी देवस्थान ट्रस्टवर सात सदस्यांची निवड करण्यात आली होती. या सात सदस्यांकडून देवीच्या भक्तांमधून दोन सदस्य निवडण्याकरिता उमेदवारी अर्ज मागविण्यात आले होते; परंतु मुंबई उच्च न्यायालय व सर्वोच्च न्यायालयाने या अगोदर आदेश दिलेले असतानादेखील या ट्रस्टच्या वतीने काही सदस्यांकडून निवडणुकीबद्दल आक्षेप घेत सर्वोच्च न्यायालयात अंतरिम याचिका दाखल करण्यात आली होती; परंतु न्यायालयाने याचिकाकर्त्यांची ही याचिका फेटाळली असून श्री एकवीरा देवस्थान ट्रस्टला त्वरित निवडणुका घेण्याचे निर्देश दिले आहेत. देवीच्या भक्तांमधून दोन सदस्य निवडण्याकरिता काही स्थानिकांचा विरोध असल्याने ते वारंवार याचिका दाखल करत आहेत; परंतु आई एकवीरा देवीने तिच्या प्रामाणिक, सच्च्या आणि निष्ठावंत भक्तांच्या बाजूने कौल दिला असल्याच्या भावना ॲड. चेतन पाटील यांनी यावेळी व्यक्त केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.