सकाळ वृत्तसेवा
ठाणे, ता. ११ : साडेतीन मुहूर्तांपैकी एक असलेल्या अक्षय्य तृतीयेच्या मुहूर्तावर वाळ्यापासून ते विविध नक्षीदार दागिने खरेदीसाठी सराफा दुकानांत ठाणेकरांनी गर्दी केल्याचे चित्र दिसून आले. यावेळी सोने खरेदीसाठी आलेल्या ग्राहकांनी पेशवाई हारासह राणीहाराला पसंती देत असल्याची माहिती विक्रेत्यांनी दिली.
अक्षय्य तृतीया या मुहूर्तावर सोने दागिने, घर, वाहन खरेदीची परंपरा आहे. त्यात यंदा सोने- चांदीचे भाव गगनाला भिडले आहेत; मात्र अक्षय्य तृतीयेच्या दिवसाचे औचित्य साधून ठाण्यातील सराफ दुकानात ग्राहकांची खरेदीसाठी झुंबड उडाली होती. सोन्याच्या दरात काही प्रमाणात वाढ झाली असली तरी त्यात मागील वर्षी अक्षय्य तृतीयेला ग्राहकांनी दिलेल्या प्रतिसादापेक्षा यंदा कमी असला तरी, पाडव्यापेक्षा अधिक चांगला प्रतिसाद मिळत असल्याची माहिती सोने- चांदीच्या विक्रेत्यांनी दिली. त्यात शुक्रवारी (ता. १०) सोन्याच्या दराने एकाहत्तरी ओलांडली असल्याचे दिसून आले.
महागाई असूनही सोने खरेदीसाठी ग्राहकांनी गर्दी केल्याचे दिसून आले. यावेळी ग्राहकांनी वाळे, सोन्याची नाणी घेण्याऐवजी राणीहार, मोहन माळ, पेशवाई दागिने आणि गेरू हार आदींना पसंती दिल्याची माहिती ज्वेलर्सचे मालक सुरेश राजवंत यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.