महावितरणच्या वीजग्राहकांसाठी ‘ऊर्जा’ चॅट बॉट सुविधा
सकाळ वृत्तसेवा
मुंबई, ता. ११ : राज्यातील वीजग्राहकांना आता खंडित वीजपुरवठा, वाढीव वीजबिल, बिल न मिळणे या समस्यांबाबत आपली तक्रार ऊर्जा चॅट बॉटद्वारे नोंदवता येणार आहे. त्याकरिता महावितरणने कृत्रिम बुद्धिमत्तेचा (एआय) वापर करून वीजग्राहकांच्या संवादपर मदतीसाठी ‘ऊर्जा’ चॅट बॉट आपल्या संकेतस्थळावर आणि मोबाईल ॲपवर उपलब्ध करून दिले आहे. यामध्ये मराठी आणि इंग्रजी या दोन्ही भाषेत ग्राहकांना आपले प्रश्न विचारता येणार आहेत.
‘ऊर्जा’ चॅट बॉटमुळे महावितरणच्या वीजसेवेसंदर्भात माहिती कुठे विचारावी आणि या सेवांचा घरबसल्या लाभ कसा घ्यावा, हा प्रश्न आता संपुष्टात आला आहे. ग्राहकसेवांबाबत थेट प्रश्न विचारून विविध सेवांचा लाभ व तक्रारी नोंदविण्यासाठी ‘ऊर्जा’ नावाचे चॅट बॉट महावितरणच्या माहिती व तंत्रज्ञान विभागाने विकसित केले आहे. नवीन वीजजोडणी वा त्यासाठी केलेल्या अर्जाची सद्यःस्थिती, वीजबिल भरणा किंवा वीजबिलाचा तपशील, जलद वीजबिल भरणा, मोबाईल क्रमांक व ई-मेलची नोंदणी इतर विविध शुल्काचा ऑनलाईन भरणा, स्वतः मीटर वाचन व सबमिशन, गो-ग्रीन नोंदणी, वीज वापर व बिलाचे कॅलक्युलेटर आदींबाबत वीजग्राहकांना ‘ऊर्जा’ चॅट बॉट थेट मदत करीत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.