मुंबई, ता. ११ : लोकसभा सार्वत्रिक निवडणुकीकरिता मुंबई उत्तर पूर्व (ईशान्य मुंबई) मतदारसंघातील कर्मचाऱ्यांना मतदानाचा हक्क बजावता यावा, यासाठी विक्रोळी येथील कार्यालयात अत्यावश्यक सेवेतील कर्मचाऱ्यांसाठी १४ ते १६ मे या कालावधीत टपाली मतदान तर, निवडणूक कर्तव्यावर असलेल्या कर्मचाऱ्यांसाठी १७ ते १९ मे या कालावधीत मतदानासाठी मतदार सुविधा केंद्र कार्यरत असेल, अशी माहिती निवडणूक निर्णय अधिकारी डॉ. दादाराव दातकर यांनी दिली. मुंबई उत्तर पूर्व मतदारसंघातील अत्यावश्यक सेवेतील आणि निवडणूक कर्तव्यावर असलेल्या कर्मचाऱ्यांना विक्रोळी येथील निवडणूक निर्णय अधिकारी यांचे कार्यालय, पिरोजशहा नगर, सांस्कृतिक सभागृह, विक्रोळी पूर्व येथे सकाळी नऊ ते सायंकाळी पाच या वेळेत टपाली पद्धतीने मतदान करता यावे, यासाठी मतदान केंद्र कार्यरत असणार आहे. यामध्ये १९० मतदार गृहमतदान करणार असून १३ ते १५ मे रोजी उत्तर पूर्व मतदारसंघात हे मतदान होणार आहे.