Thane News: चितळसर पोलिस ठाण्याच्या हद्दीत गुन्हेगारी कारवाया वाढल्या आहेत. तसेच गुंड शाहबाज मकबुल हमीद खान (२०) याच्या गुन्हेगारी कारवायांना आळा घालण्यासाठी पोलिस उपायुक्त परिमंडळ-५ यांनी शाहबाजला १८ महिन्यांकरिता हद्दपार केले होते.

मात्र शाहबाज हा प्रतिबंधित परिसरात वावरत असताना मध्यवर्ती गुन्हे शोध कक्षाच्या पथकाने गुरुवारी (ता. २३ ) संध्याकाळी धर्मवीर नगर येथून अटक केली. त्याच्या विरोधात चितळसर पोलिस ठाण्यात गुन्हा दाखल करण्यात आला आहे.

शाहबाज मकबुल हमीद खान याला पोलिस उपायुक्त, परिमंडळ-५, वागळे यांनी शाहबाज ठाणे, मुंबई शहर, मुंबई उपनगर, नवी मुंबई व रायगड जिल्ह्यातून १८ महिन्यांच्या कालावधीसाठी हद्दपार करण्याचे आदेश २६ सप्टेंबर २०२३ रोजी दिले होते; मात्र शाहबाज हा धर्मवीर नगर परिसरात वावरत होता.