रोड स्पेस स्केटिंगमध्ये
रेयांश बने देशात दुसरा
मुलुंड, ता. ३ (बातमीदार) ः भांडुप येथे राहणाऱ्या रेयांश पराग बने यांनी गोव्यात झालेल्या स्केटिंग स्पर्धेमध्ये भांडुपकरांची मान उंचावली आहे. गोव्याच्या मडगाव या ठिकाणी सहावी राष्ट्रीय रोड स्पेस स्केटिंग स्पर्धा नुकतीच पार पडली. यात रेयांश बने याने रौप्यपदक पटकावले. १०० मीटरच्या स्पर्धेत रेयांश याने भारतातून दुसरा क्रमांक पटकावला आहे.
बने याने सात ते नऊ वर्षे वयोगटात भाग घेतला होता. या स्पर्धेत १२०० हून अधिक खेळाडू सहभागी झाले होते. भारतातून कानाकोपऱ्यातून आलेल्या खेळाडूंना मागे टाकत बने याने नेत्रदीपक यश संपादन केले. बने याने याआधीसुद्धा विविध खेळांमध्ये सहभाग घेऊन ३० हून अधिक पदक मिळवले आहेत. तो भांडुपच्या जस्ट स्केटर्स रोलर स्केटिंग अकॅडमीमधून खेळत आहेत. त्याच्या या यशामागे कोच निहाल प्रसाद, सीतिज सिंग, पालक पराग आणी, नेहा बने यांचा मोलाचा वाटा आहे. बने याने ही स्पर्धा जिंकल्यानंतर त्याचे भांडुपमध्ये जोरदार स्वागत करण्यात आले. त्याचे सहकारी खेळाडू, जस्ट स्केटिंगच्या संपूर्ण टीमने त्याच्यावर कौतुकाचा वर्षाव केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.