सकाळ वृत्तसेवा
मुंबई, ता. ३ : म्हाडा प्राधिकरणात काम करणाऱ्या अधिकारी-कर्मचाऱ्यांच्या पगारातून दर महिन्याला निर्वाह निधीची रक्कम कापली जात आहे. पगाराच्या स्लिपमध्ये ही रक्कम दाखवली जात आहे, मात्र वर्षानुवर्षे जमा झालेल्या रकमेची आणि त्यावरील व्याजाची वार्षिक पावती संबंधित अधिकारी-कर्मचाऱ्यांना दिली जात नसल्याने निर्वाह निधी माहितीच नसल्याने कर्मचाऱ्यांचे ‘भविष्य’ अंधारात गेल्याचे दिसत आहे.
म्हाडामध्ये जवळपास दीड हजार अधिकारी-कर्मचारी कार्यरत आहेत. त्यांना आर्थिक चणचण भासू नये म्हणून कामगार कायद्यानुसार त्यांच्या पगारातून आणि आस्थापनेकडून ठराविक रक्कम भविष्य निर्वाह निधी म्हणून पीएफ विभागाकडे जमा केली जाते. वर्षानुवर्षे ही रक्कम जमा होत आहे. दरवर्षी पीएफ खात्यावर जमा झालेल्या रकमेचे विवरण कर्मचाऱ्यांना दिले जात होते, मात्र गेल्या पाच वर्षांपासून कर्मचाऱ्यांना निर्वाह निधीच्या वार्षिक जमापुंजीची लिखित माहिती दिली जात नाही. त्यामुळे आणीबाणीच्यावेळी किती रक्कम काढायची, असा सवाल कर्मचारी उपस्थित करत आहेत.
---------------------------------------------------
समन्वय समिती नेमली
म्हाडा कर्मचाऱ्यांना त्यांच्या पीएफ खात्यात किती रक्कम आहे, याची लिखित माहिती मिळत नसल्याने कर्मचाऱ्यांमध्ये नाराजी आहे. त्याची दखल घेत प्रशासनाने वित्त विभाग, माहिती तंत्रज्ञान विभाग आणि पीएफ विभागाची संयुक्त बैठक घेत समन्वय समिती नेमली आहे. त्यामुळे कर्मचाऱ्यांच्या भविष्य निर्वाह निधीचा प्रश्न मार्गी लागणार असल्याचे दिसत आहे.
--------------------------------------------------
पीएफ खात्यात किती रक्कम जमा आहे, याची अधिकारी-कर्मचाऱ्यांना माहिती असणे हा त्यांचा अधिकार आहे, मात्र वार्षिक लिखित माहिती मिळत नसल्याने त्यांच्यामध्ये नाराजी आहे. हा प्रश्न मार्गी लावण्याच्या सूचना संबंधित विभागाला दिल्या असून दोन महिन्यांच्या आत सर्वांना माहिती मिळेल.
- राजकुमार सागर, सचिव, म्हाडा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.