कल्याण, ता. ८ (वार्ताहर) : धार्मिक प्रवचन सादर करणाऱ्या एका प्रवचनकाराने लग्नाच्या भूलथापा देत प्रेमाच्या जाळ्यात ओढत शारीरिक संबंध ठेवले होते. याप्रकरणी पीडित तरुणीने कल्याणातील प्रवचनकाराविरोधात खडकपाडा पोलिस ठाण्यात बलात्काराचा गुन्हा दाखल केला आहे. या घटनेने कल्याण शहरात खळबळ उडाली आहे.
कल्याण शहर आणि अन्य परिसरांत आपल्या सुमधुर वाणीने धार्मिक प्रवचन करणारे तथाकथित नीलेश महाजन काही वर्षांपासून श्रोत्यांना भुरळ पाडत होते. त्यामुळे कल्याण शहर व ग्रामीण भागात ते प्रसिद्धीच्या झोतात आले होते. कल्याण शहरातील एक तरुणी २०१४ पासून त्यांचे प्रवचन ऐकण्यासाठी नियमितपणे जात होती. प्रवचन करत असताना या तथाकथित महाराजांचे तरुणी समवेत प्रेमाचे धागे विणले गेले. दहा वर्षांपासून चाललेल्या प्रेम संबंधातून अनेकदा दोघांचे भेटणे सुरू होते. तरुणीच्या तक्रारीवरून खडकपाडा पोलिस ठाण्यात या महाराजाविरोधात बलात्काराचा गुन्हा पोलिसांनी दाखल केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.