डहाणू, ता. ८ (बातमीदार) : नगर परिषदेच्या विकास आराखड्याप्रमाणे रस्ता रुंदीकरणासाठी जमीन अधिग्रहण करण्याचे काम सुरू आहे. त्यात असणारी तफावत आगामी विधानसभेच्या अधिवेशनात सरकारसोबत चर्चा करून सोडविण्याचा प्रयत्न करेन, असे आश्वासन आमदार विनोद निकोले यांनी बाधित नागरिकांना दिले.
डहाणू नगर परिषदेमार्फत मंजूर विकास आराखड्याप्रमाणे महिन्याभरापासून रस्ता रुंदीकरणासाठी जमीन अधिग्रहण करण्याचे काम सुरू आहे. डहाणू रोड रेल्वेस्थानक ते चंदिका हॉटेलपर्यंत (१८ मीटर), चंद्रिका हॉटेल ते सागर नाका (२४ मीटर) आणि सागर नाका ते पारनाका ३० मीटर रुंदीकरण असणार आहे. त्याप्रमाणे जेसीबीच्या साह्याने आणि प्रचंड पोलिस बंदोबस्तात रुंदीकरणासाठी घरे, दुकाने, आस्थापनांच्या समोरील भाग तोडला जात आहे. त्यात डहाणू रोड रेल्वेस्थानक ते चंद्रिका हॉटेल आणि चंद्रिका हॉटेल ते सागर नाकापर्यंत सहा मीटर रुंदीची तफावत न ठेवता डहाणू रोड रेल्वेस्थानक ते सागर नाक्यापर्यंत समान रुंदी ठेवावी, अशी बाधित नागरिकांची मागणी आहे.
नागरिकांच्या मागणीसंदर्भात शुक्रवारी (ता. ७) आमदार विनोद निकोले यांनी बाधित नागरिकांसमवेत मुख्याधिकारी तथा प्रशासक वैभव आवारे यांची भेट घेतली. डहाणू नगर परिषदेच्या विकास आराखड्याप्रमाणे रस्त्याची रुंदी करण्याचे काम सुरू आहे. त्यात कमी-जास्त माप करण्याचा अधिकार सरकारचा असल्याचे या वेळी त्यांनी सांगितले. त्यामुळे रस्त्याच्या रुंदीकरणासाठी लागणाऱ्या जमिनीचे अधिग्रहण करण्याचा प्रश्न येत्या विधानसभा अधिवेशनात प्रश्नाच्या रूपाने मांडून त्यांची सोडवणूक करण्यासाठी कसोशीने प्रयत्न करेन, असे आश्वासन निकोले यांनी दिले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.