माथेरान घाटात अपघाताचे सत्र
नेरळ, ता. ११ (बातमीदार)ः नेरळ-माथेरान घाटरस्त्यातील जुम्मापट्टीच्या वरती असलेल्या वळणावर सोमवारी रात्री पुन्हा अपघात झाला. या अपघातात माथेरानवरून उल्हासनगरकडे निघालेले कुटुंब बचावले असले, तरी वारंवार होणाऱ्या अपघातामुळे चिंता व्यक्त केली जात आहे.
सह्याद्रीच्या पर्वतरांगेतील नेरळ-माथेरान घाटरस्ता सगळ्यात किचकट घाट समजला जातो. अवघड वळणे, चढ-उतारामुळे या घाटात वाहनचालकांचे कसब पणाला लागते. अशातच घाटरस्त्यावरील एस वळण सध्या अपघाताचे केंद्र बनले आहे. उल्हासनगर येथून माथेरानमध्ये फिरायला आलेल्या पर्यटकांच्या गाडीला सोमवारी (ता. १०) रात्री घरी परतताना अपघात झाला. या अपघातात कोणालाही इजा झालेली नाही. मात्र, गाडीचे नुकसान झाले आहे. त्यामुळे परिवहन विभागाने अपघात रोखण्यासाठी काही तरी उपाययोजना कराव्यात, अशी मागणी वाहनचालकांकडून होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.