ठाणे, ता. ११ (बातमीदार) : ठाणे शहरात पावसाला सुरुवात झाल्याने आज (ता. ११) सकाळपासून ढगाळ वातावरण होते. दुपारी १२ ते १ वाजण्याच्या दरम्यान मुसळधार पावसाने ठाण्यात हजेरी लावली. तासभराच्या पावसाच्या पाण्याने दरवर्षीप्रमाणे यंदादेखील वंदना डेपो या परिसरात गुडघाभर पाणी साचले होते. काही ठिकाणी नागरिक पहिल्या पावसाचा आनंद घेत होते, तर काही नागरिक पावसापासून बचाव करण्याकरिता आडोसा शोधत होते.
वंदना बस डेपो परिसरात पाणी साचल्याने या ठिकाणाहून ये-जा करणारे नागरिक पाण्यातून वाट काढत होते. साचलेल्या पाण्यामुळे वाहतूक मंदावली होती. तसेच पावसाचे पाणी वाहनांमध्ये गेल्याने काही गाड्या जागेवर बंद पडल्याचे पाहायला मिळाले. या ठिकाणी असलेल्या अनेक दुकानांमध्ये पाणी शिरले होते. अशाच पहिल्याच पावसात ठाण्यात ठिकठिकाणी पाणी साचले होते. यामध्ये वंदना डेपो, कापूरबावडी, माजिवडा या ठिकाणांचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.