जोडप्याची
सुखरूप सुटका
मालाड येथील साईनाथ सबवेखाली एका जोडप्याची कार पाण्यात अडकल्याने त्यांची सुखरूप सुटका करण्यात आली. पावसाचे पाणी साचल्याने साईनाथ भुयारी मार्ग अद्यापही वाहनांच्या वाहतुकीसाठी बंद आहे.
मुसळधार पावसामुळे सबवेमध्ये पाणी तुडुंब भरले होते. पाण्याचा अंदाज न आल्‍याने कार पाण्यात अडकली. स्थानिकांनी वाहतूक पोलिसांच्या मदतीने या कारमध्ये अडकलेल्या जोडप्याला सुखरूप बाहेर काढले. त्यामुळे मोठी दुर्घटना टळली. मालाड सबवेसह मालवणीतील अनेक भागांत पाणी साचले होते. जुने कलेक्टर प्लॉट क्रमांक एकमधील प्लॉट क्रमांक १२ मधील काही घरांत पाणी शिरले होते. एव्हरशाईननगरमधील काही इमारतींच्या आवारात पाणी साचले होते.