वाहतूक पोलिसांनी बुजवले खड्डे
घाटकोपर, ता. ९ (बातमीदार) ः गेल्या दोन दिवसांपासून मुंबईसह राज्यात पावसाने चांगलीच हजेरी लावली. त्‍यामुळे अनेक ठिकाणच्या रस्‍त्‍यांवर खड्डे पडायला सुरुवात झाली आहे. घाटकोपर-अंधेरी लिंक रोड, श्रेयस सिग्नलवर खड्डे पडल्याने वाहनचालकांची गैरसोय होत आहे. येथील सिग्‍नलवर कार्यरत वाहतूक पोलिसांनी खड्डे बुजवून वाहनांचा अडथळा दूर केला.
रविवारी रात्रीपासून सुरू असलेल्या पावसाने मुंबईला चांगलेच झोडपले. ठिकठिकाणी पडझडीच्या घटना घडल्‍या. रस्‍ते, रेल्‍वेसेवा ठप्प झाली. घाटकोपर पश्चिमेकडील श्रेयस सिग्नल रोडवर पडलेल्‍या खड्ड्यांमुळे वाहतूक मंदावली होती. त्‍याुमळे तीन वाहतूक पोलिसांनी खड्डे बुजवले.