Uddhav Thackeray Dasara Melava: उद्धव ठाकरे यांचा दसरा मेळावा शिवाजी पार्क मैदानावर होत आहे. यावेळी विधानपरिषदेचे नेते अंबादास दानवे यांनी मेळाव्याला संबोधित केले. त्यांनी शिंदे गटावर हल्लाबोल केला. दसरा मेळावा एकच एकच असतो. बाळासाहेब ठाकरे यांच्या शिवसेनेचा. दसरा मेळावा मर्दाचा असतो. हे मर्द महाराष्ट्रात पुन्हा एकदा भगवा फडकवणार आहेत, गद्दारांनी दिल्लीची चाकरी करावी, असे अंबादास दानवे म्हणाले.

सत्ताधाऱ्यांना आता घरी बसायचे आहे. निवडणुकीची देखील गरज भासणार नाही. त्यापूर्वी हे लोक घरी बसणार, असा विश्वास दानवे यांनी व्यक्त केला. (Latest Marathi News)

अंबादास दानवे म्हणाले, महाराष्ट्रात पापींचे राज्य आहे. त्यामुळे निसर्ग देखील कोपतो आहे. राज्यात दुष्काळ आहे. एक रुपयाच्या पिक विम्याचे गाजर देण्यात आले. मात्र विमा कंपन्यांच्या फायद्यासाठी हा निर्णय घेण्यात आला. मात्र उद्धव ठाकरे यांनी अग्रिम विमा देण्याची मागणी केली आहे आणि तो विमा मिळणार.

या सरकारमध्ये दम नाही. हे पीक विमा कंपन्यांच्या दाढ्या कुरवाळतं बसलेत. बुलेट ट्रेनसाठी 6000 कोटी मंजुर होतात पण शेतकर्‍याला अनुदान मिळत नाही, विमा मिळत नाही. अजब न्याय आहे, असे दानवे म्हणाले.

दानवे यांनी कांदा उत्पादक शेतकऱ्यांच्या प्रश्नावर देखील अंबादास दानवे यांनी सरकारवर टीका केली. कापूस उत्पादक शेतकऱ्यांचे देखील हाल आहेत. जुना कापूस अजून शेतकऱ्यांच्या घरात आहेत. नवीन कापूस आला मात्र शेतकऱ्यांच्या कापसाला भाव नाही, असे दानवे म्हणाले.

अंबादास दानवे यांनी सरकारी रुग्णालयात झालेल्या मृत्यूंवर देखील शिंदे सरकारवर टीका केली. मृत्यू घरात येतोय आणि सरकार लोकांच्या दारी जात आहे, असे दानवे म्हणाले.