मुंबई : उत्तर प्रदेशचे मुख्यमंत्री योगी आदित्यनाथ यांना बॉम्बने उडवण्याची धमकी देणा-याला दहशतवाद विरोधी पथकाने (एटीएस) मुंबईतून अटक केली होती. त्याला सोडून द्या, अन्यथा परिणामांना सामोरे जाण्यास तयार रहा, अशी धमकी उत्तर प्रदेश सोशल मीडिया डेस्कला देणाऱ्या नाशिकवरून एटीएसने ताब्यात घेतले आहे.

हे ही वाचा ः लॉकडाऊनचा असाही सदुपयोग; कासारवाडी ग्रामस्थांनी धरली स्वच्छतेची कास

शुक्रवारी लखनौ पोलिस मुख्यालयातील सोशल मीडिया हेल्प डेस्कवर निनावी संदेश आला होता. संदेश करणाऱ्या व्यक्तीविरोधात गोमती नगर पोलिस ठाण्यात अंतर्गत धमकी देणे व माहिती तंत्रज्ञान गैरवापर प्रतिबंधक कायद्या अंतर्गत गुन्हा दाखल करण्यात आला होता. याबाबतची माहिती एटीएसला मिळाल्यानंतर त्यांनी तंत्रज्ञानाच्या मदतीने माहिती घेतली घेतला. त्यावेळी आरोपी चुनाभट्टी येथील म्हाडा कॉलनीतील असल्याची माहिती एटीएसला मिळाली. अखेर त्याला शनिवारी कामरान आमीन खान (25) ताब्यात घेण्यात आले. चौकशीत त्याने संदेश पाठवण्याचे मान्य केल्यानंतर त्याला उत्तर प्रदेश एसटीएसफच्या ताब्यात देण्यात आले.

मोठी बातमी ः ...म्हणून म्हाडाच्या रखडलेल्या प्रकल्पांना देण्यात आली परवानगी!

या घटनेनंतर आणखी एक धमकीचा संदेश सोशल मीडिया डेस्कला प्राप्त झाला होता. अटक केलेल्या आरोपीला सोडून द्या अन्यथा परिणाम भोगावे लागतील अशा धमकीचा संदेश पाठवण्यात आला होता. याबाबतची माहिती उत्तर प्रदेश एसटीएफने महाराष्ट्र एटीएसला दिली. त्यानंतर तांत्रिक तपासाच्या मदतीने नाशिक येथील भ्रद्रकाली परिसरातील 20 वर्षीय तरुणाला ताब्यात घेतले. पुढील तपासासाठी त्याला उत्तर प्रदेश एसटीएफकडे सूपूर्त करण्यात आले आहे

Uttar Pradesh social media desk threater arrested form Maharashtra