मुंबई : उद्धव ठाकरेंच्या शिवसेनेकडून मुंबईतल्या ३६ पैकी २५ जागांवर दावा करण्यात आल्याचं सांगितलं जात आहे. या जागांसाठी ठाकरेंनी तयारी सुरु केली आहे, पण महाविकास आघाडी या ठाकरेंच्या या प्रस्तावाला कसा प्रतिसाद देते हे पाहणं महत्वाचं आहे. मुंबईतल्या या जागा नेमक्या कोणत्या आहेत जाणून घेऊयात.
लोकसभेप्रमाणं विधानसभेत सुद्धा शिवसेनेचा बालेकिल्ला असलेल्या मुंबईतील बहुतांश विधानसभा मतदारसंघ ठाकरेंची शिवसेना आपल्याकडं ठेवण्यास आग्रही असल्याचं साम टीव्हीच्या सुत्रांकडून कळतंय. त्यानुसार मुंबईतील ३६ विधानसभा मतदारसंघांपैकी २५ मतदारसंघांवर ठाकरेंचा दावा असणार आहे.
2019 च्या विधानसभा निवडणुकीत 14 जागा शिवसेनेने जिंकल्या होत्या, त्यातील आठ आमदार ठाकरेंच्या शिवसेनेसोबत आहेत. तर सहा आमदार शिंदेंच्या शिवसेनेसोबत आहेत. त्यामुळं मुंबईतील जिंकलेल्या जागा आणि ज्या ठिकाणी एकापेक्षा अधिक उमेदवार इच्छुक आहेत. तसंच नुकत्याच झालेल्या लोकसभा निवडणुकीत ज्या विधानसभा क्षेत्रात ठाकरेंचा उमेदवार असताना अधिक लीड मिळालं आहे, अशा जागांचा ठाकरेंकडून निवडणूक लढवताना आग्रह केला जाऊ शकतो.
महाविकास आघाडीमध्ये निवडणूक लढवताना राष्ट्रवादी काँग्रेस आणि काँग्रेससोबत काही जागांमध्ये अदलाबदल केली जाणार आहे. महाविकास आघाडीच्या बैठकांमध्ये या संदर्भात वरिष्ठ पातळीवर निर्णय घेतला जाणार असल्याचं कळतं आहे. तर मुंबईतील काही जागा जिथे ठाकरेंची ताकद आहे तिथं शिवसेना ठाकरे गट महापालिका निवडणुकांचा विचार करून जागा लढवण्याचा नियोजन करत असल्याची माहिती आहे.
2019च्या विधानसभा निवडणुकीत काँग्रेसचे केवळ चार आमदार निवडून आले होते. तर राष्ट्रवादी काँग्रेस पक्ष एका जागेवर विजय मिळवू शकला होता. 2024च्या लोकसभा निवडणुकीत देखील ठाकरेंनी आपल्या चारपैकी तीन जागा निवडून आणल्या आहेत. त्यामुळं एक प्रकारे शिवसेनेचा बालेकिल्ला असलेल्या मुंबईकडे आगामी विधानसभा निवडणुकीत अधिकाधिक यश मिळवण्यासाठी उद्धव ठाकरे यांचे विशेष लक्ष असेल.
शिवाय, वांद्रे पूर्वमधून वरून सरदेसाई तर दहिसरमधून तेजस्वी घोसाळकर यांना पहिल्यांदाच विधानसभा निवडणुकीच्या रिंगणात उतरवण्याची शक्यता ठाकरेंच्या शिवसेनेकडून व्यक्त केली जात आहे. तर अनेक नव्या चेहऱ्यांना विधानसभा निवडणुकीसाठी ठाकरेंच्या शिवसेनेकडून संधी मिळणार असल्याचीही चर्चा आहे.
१) शिवडी
२) भायखळा
३) वरळी
४) माहीम
५) चेंबूर
६) भांडुप पश्चिम
७) विक्रोळी
८) मागाठाणे
९) जोगेश्वरी पूर्व
१०) दिंडोशी
११) अंधेरी पूर्व
१२) कुर्ला
१३) कलिना
१४) दहिसर
१५) गोरेगाव
१६) वर्सोवा
१७) वांद्रे पूर्व
१८) विलेपार्ले
१९) कुलाबा
२०) वडाळा
२१) चांदीवली
२२) बोरिवली
२३) मलबार हील
२४) अनुशक्ती नगर
२५) मानखुर्द शिवाजीनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.