Rain Update: भारतीय हवामान खात्याने (IMD) मुंबई, ठाणे, पालघर, कल्याण आणि नवी मुंबईसह रायगडमध्ये ऑरेंज अलर्ट जारी केला आहे. आज संध्याकाळीपासून या जिल्ह्यात मुसळधार पावसाचा इशारा दिला आहे. यामुळे रहिवाशांना आवश्यक ती खबरदारी घेण्याचा सल्ला देण्यात आला आहे. आज मुंबई आणि ठाण्यातील काही भागांत पावसाने जोरदार हजेरी लावली आहे. डोंबिवलीमध्ये अचानक आलेल्या पावसामुळे नागरिकरांची तारांबळ उडाली आहे. तर नवी मुंबईतही जोरदार पाऊस पडत आहे. यामुळे नागरिकांची चांगलीच तारांबळ उडाली आहे.

हवामान खात्याने सांगितले की, राज्यात काही ठिकाणी विजांच्या कडकडाटासह गडगडाटी वादळांसह हलका ते मध्यम पाऊस आणि 30-40 किमी/ताशी वेगाने वाहणारे वारे यांचा अंदाज आहे. या हवामान परिस्थितीचा पुढील काही तासांत मुंबई शहर, उपनगरे आणि आजूबाजूच्या भागांवर परिणाम होण्याची शक्यता आहे. यामुळे नागरिकांनी आवश्यक ती खबरदारी घ्यावी. तसेच येत्या 3-4 तासांत मुंबई शहर आणि मुंबई उपनगर जिल्ह्यांमध्ये तुरळक ठिकाणी गडगडाटी वादळासह विजांच्या कडकडाटासह आणि हलक्या ते मध्यम स्वरूपाच्या पावसाच्या 30-40 किमी प्रतितास वेगाने वाहण्याची शक्यता आहे.

कल्याण आणि डोंबिवलीमध्ये विजांच्या गडगडाटासह पावसाने जोरदार हजेरी लावली आहे. तसेच बदलापूर आणि अंबरनाथमध्येही जोरदार पाऊस सुरू आहे. अंबरनाथमध्ये ढगफुटी सदृश्य पाऊस पाहायला मिळाला. तर भिवंडीतही परतीच्या पावसाने धुमाकुळ घातला आहे. वादळी वाऱ्यामुळे अनेकांच्या घराचे पत्रे उडाले आहेत. तसेच वाऱ्यामुळे शेतकऱ्यांचेही मोठ्या प्रमाणात नुकसान झाले आहे. मुसळधार पावसामुळे सखल भागात पाणी साचल्याचे चित्र दिसून आले आहे.

तज्ञांच्या म्हणण्यानुसार, सध्या अरबी समुद्र आणि बंगालच्या उपसागरात दोन प्रणाली आहेत. जेथे कमी फॉर्मेशन्स तयार झाल्या आहेत. ज्यामुळे पावसाची क्रिया सुरूच राहणार आहे. बंगालच्या उपसागरात निर्मिती आणखी तीव्र होऊ शकते. परिणामी मुसळधार पाऊस पडण्याची शक्यता वर्तवण्यात आली आहे. मुंबईत दुपारी वादळी वाऱ्यासह पाऊस पडेल. त्यामुळे यलो अलर्ट जारी करण्यात आला आहे.