मुंबई : वरळीतील बीडीडी चाळ (Worli bdd chaul) येथील घरातील सिलिंडर स्फोटात (gas cylinder explosion) चार जण गंभीर जखमी झाल्याची (four people injured) घटना मंगळवारी (ता. ३०) घडली होती, परंतु या घटनेत भाजलेल्यांवर नायर रुग्णालयात (Nair hospital) वेळेवर उपचार सुरू न केल्याचा आरोप (hospital authorities irresponsibility) नातेवाईकांकडून करण्यात येत आहे. रुग्णालयातील अपघात विभागात उपस्थित डॉक्टर आणि परिचारिका त्यांच्यावर उपचार देण्याऐवजी तसेच खुर्चीवर बसून राहिल्याचा व्हिडीओ व्हायरल (Video viral) झाल्यानंतर धास्तावलेल्या नायर रुग्णालयाने या दोघांवरही चौकशीचे आदेश (investigation order) दिले आहेत.

वरळीतील बीडीडी चाळीमधील एका घरात मंगळवारी सकाळी ७ वाजता सिलिंडरचा स्फोट झाला. यामध्ये चार जण भाजले. त्यांना उपचारांसाठी नायर रुग्णालयात नेण्यात आले. या अपघातात एक बालक व गंभीररीत्या भाजलेली एक व्यक्ती अपघातग्रस्त विभागात तासन् तास पडून होते; मात्र रुग्णालयाचा एकही डॉक्टर त्यांची तपासणी करण्यासाठी आला नाही. याबाबत या रुग्णांसोबत असलेल्या कुटुंबीयांनी हा व्हिडीओ समाज माध्यमावर व्हायरल केला. या व्हिडीओमध्ये डॉक्टर खुर्चीवर बसलेले असून, मूल आणि व्यक्ती वेदनांनी ओरडत असल्याचे स्पष्टपणे दिसत आहे.

व्हायरल झालेला व्हिडीओ रुग्णालय प्रशासनाने गांभीर्याने घेतला आहे. या प्रकरणाच्या चौकशीचे आदेश देण्यात आल्याचे रुग्णालयाचे अधिष्ठाता डॉ. रमेश भारमल यांनी सांगितले. तसेच ही चौकशी उपअधिष्ठाता करणार असल्याची माहितीही त्यांनी दिली.

"दोन्ही रुग्ण गंभीररीत्या भाजलेले असताना उपस्थित डॉक्टरांनी तातडीने उपचार सुरू करायला हवे होते; मात्र तसे घडले नसल्याने या प्रकरणाची गंभीर दखल घेतली गेली असून, डॉक्टर आणि परिचारिकेची चौकशी सुरू केली आहे. संपूर्ण चौकशीनंतर त्यांच्यावरील कारवाईची भूमिका स्पष्ट केली जाईल."

- डॉ. रमेश भारमल, अधिष्ठाता, नायर रुग्णालय