उरणमध्ये यशश्री शिंदे हत्येप्रकरणात नवीन पुरावे समोर आले आहेत. यामध्ये सीसीटीव्ही फुटेजमध्ये आरोपी दाऊद शेख यशश्रीचा पाठलाग करताना कैद झाला आहे. यामुळे या प्रकरणात नवीन वळण लागले आहे.

कर्नाटकमधून एकाला अटक-

या घटनेतील आणखी एक महत्वाची माहिती म्हणजे कर्नाटकमधून एका व्यक्तीला अटक करण्यात आली आहे. उरणमध्ये 20 वर्षीय यशश्री शिंदेची निर्घृण हत्या झाली होती. तिचे अवयव देखील कापण्यात आले होते. उरणमधील वातावरण या घटनेमुळे ताणलेले आहे.

दाऊद शेखवर संशय

यशश्री शिंदेच्या हत्येप्रकरणात पोलिसांना दाऊद शेखवर संशय आहे. पोलिसांच्या मते, दाऊद शेखनेच तिची हत्या केली आहे. पोलिसांना मिळालेल्या पुराव्यांमुळे हे प्रकरण अधिक गंभीर झाले आहे.

2019 मधील पोक्सो केस-

यशश्री शिंदे आणि तिच्या कुटुंबाने 2019 मध्ये दाऊद शेखवर पोक्सो कायद्याखाली एफआयआर दाखल केला होता. त्यावेळी यशश्री अल्पवयीन होती, तिचे वय 14-15 वर्ष होते. दाऊद शेखला या प्रकरणात तुरुंगात जावे लागले होते. ही माहिती समोर आल्याने पोलिसांच्या तपासाची दिशा बदलली आहे.

कॉल रिकॉर्डमध्ये खुलासा-

यशश्री 25 जुलैला गायब झाली होती. तिच्या कॉल रिकॉर्डमधून पोलिसांना एक नंबर सापडला जिच्यावर तीने दीर्घकाळ संवाद साधला होता. या नंबरची चौकशी केल्यावर तो नंबर दाऊद शेखचा असल्याचे निष्पन्न झाले. यामुळे पोलिसांनी दाऊद शेखचा शोध सुरु केला.

दाऊद शेखचा फोन यशश्री गायब झाल्यापासून बंद होता आणि त्याचा कुठलाही मागोवा पोलिसांना लागलेला नाही. यामुळे उरणमध्ये या प्रकरणामुळे तणावाचे वातावरण आहे.