मुंबई - मुंबई पुणे एक्सप्रेस वेवर मोठ्या प्रमाणात अपघात होते त्यामुळे २०१६ मध्ये झिरो फटॅलिटी कॉरिडॉर प्रकल्प राबविण्यात आला होता. या झिरो फॅटॅलिटी कॉरिडॉरमुळे रस्ते अपघाती मृत्यूत ५८.३ टक्के घट झाली आहे. तर २०२२ पासून ३२ टक्के घट झाली आहे.

मुंबई पुणे एक्सप्रेस वे प्रवाशांसाठी २००२ मध्ये खुला करण्यात आला होता. हा देशातील पहिला एक्सप्रेस वे आहे. मुंबई पुणे एक्सप्रेस वे वर २०१६ मध्ये १५१ जणांचा अपघाती मृत्यू झाला होता. त्यामुळे झिरो फॅटॅलिटी कॉरिडॉर प्रकल्प राबविण्यात येत आहे.

महाराष्ट्र राज्य रस्ते विकास महामंडळ, सेव्ह लाईफ फाउंडेशन, महाराष्ट्र महामार्ग पोलीस, महाराष्ट्र मोटार वाहन विभाग यांचा संयुक्त उपक्रम आणि एसबीआय जनरल इन्शुरन्सचा संयुक्त उपक्रम आहे. एक्सप्रेस वे वर एकेकाळी २०१६ मध्ये १५१ मृत्यूंची नोंद होती म्हणजे २ किमीवर अंदाजे ३ मृत्यू होते. २०१६ च्या तुलनेत प्रति २ किमी १ मृत्यू होत आहे.

• ३५०० हून अधिक ठिकाणी अभियांत्रिकी समस्यांवर उपाययोजना

• १७६ किमी पेक्षा जास्त क्रॅश बॅरियर्सची स्थापना

• २०० किमी टॅक्टाइल एज लाईन आणि ३ किमी टॅक्टाइल शोल्डर लाईन्सची अंमलबजावणी

• १ इमर्जन्सी मीडियन किमी २६.६ वर ओपनिंग आणि किमी ८२.७ वर उदयोन्मुख ब्लॅक स्पॉटवर उपचार

वाहतूक अंमलबजावणी उपाय वाढविण्यासाठी -

• अपघात रोखण्यावर लक्ष केंद्रित करून २ स्मार्ट पेट्रोलिंग वाहने तैनात

• दिवसा आणि रात्री आरटीओ आणि महामार्ग पोलीसद्वारे कारवाई

• २ स्पीड ट्रॅप्स आणि ३ सक्रियपणे बदलता येण्याजोगे स्पीड ट्रॅप लावले गेले

• ५०० हुन अधिक फॉरेन्सिक क्रॅश तपास हाती घेण्यात आला

द्रुतगती मार्गावर आपत्कालीन काळजी आणि वैद्यकीय सहाय्य मजबूत करण्यासाठी -

• रुग्णवाहिकांची संख्या २ वरून ८ करण्यात आली

• सुधारित वैद्यकीय प्रतिसादासाठी ३ रुग्णवाहिका श्रेणीसुधारित करण्यात आल्या

• सुधारित आपत्कालीन काळजी कौशल्यांसाठी १७०० हुन अधिक पोलीस कर्मचारी आणि मूलभूत ट्रॉमा लाइफ सपोर्टमध्ये स्वयंसेवकांना प्रशिक्षित केले

रस्ता सुरक्षेच्या गंभीर बाबींचे निराकरण करण्यासाठी -

• ७ जागरुकता मोहिमेमध्ये वेग, मागील बाजूची टक्कर आणि मागील सीट-बेल्ट वापरण्याचे महत्त्व यासारख्या मुद्द्यांवर लक्ष

• २५०० ट्रक ड्रायव्हर्सना अपघात प्रतिबंधक कौशल्ये प्रशिक्षित करण्यात आली.

• ९० पोलीस आणि आरटीओ अधिकाऱ्यांसाठी प्रशिक्षण कार्यक्रम आयोजित केले

• २७ अभियंते, पोलिस आणि आरटीओ अधिकाऱ्यांसाठी प्रशिक्षण सत्र आयोजित केले

मुंबई पुणे एक्सप्रेस वे -

• २०१६ - अपघाती मृत्यू - १५१

• २०२३ - अपघाती मृत्यू - ६३

मुंबई-पुणे द्रुतगती मार्गावर रस्ते अपघातातील मृत्यूची कारणे शास्त्रोक्त पद्धतीने समजून घेऊन ३५०० हून अधिक रस्ते अभियांत्रिकी समस्यांचे निराकरण करण्यात आले, पोलिस आणि आरटीओ द्वारे अंमलबजावणी मजबूत करण्यात आली, रुग्णवाहिका प्लेसमेंट ऑप्टिमाइझ करण्यात आले आणि एक्स्प्रेस वेवर प्रवास करणाऱ्या वाहन चालकांना शिक्षित करण्यासाठी व्यापक मोहिमा हाती घेण्यात आल्या. अशा प्रकारे रस्ते अपघातातील मृत्यू लक्षणीयरीत्या कमी केले जाऊ शकतात.

- पीयूष तिवारी, संस्थापक आणि मुख्य कार्यकारी अधिकारी, सेव्ह लाइफ फाऊंडेशन

मुंबई पुणे एक्स्प्रेसवेवरील प्रत्येक मृत्यू हा एमएसआरडीसीसाठी गंभीर चिंतेचा विषय आहे. एमएसआरडीसीने मुंबई-पुणे एक्सप्रेस वेवर विविध सुरक्षा उपाय लागू केले आहेत. यामुळे रन-ऑफ क्रॅश, ऑब्जेक्ट इम्पॅक्ट क्रॅश, हेड-ऑन क्रॅश आणि खराब दृश्यमानता संबंधित क्रॅश यांसारख्या विविध प्रकारचे दुर्घटना दूर करण्यात आले आहेत. एक्स्प्रेसवेवर शुन्य मृत्यू साध्य करण्याचा प्रयत्न चालू आहे.

- डॉ अनिल कुमार गायकवाड, उपाध्यक्ष आणि व्यवस्थापकीय संचालक, एमएसआरडीसी