ऑनलाईन खाद्यपदार्थ घरोघरी पुरवणाऱ्या फुड कंपनी झोमॅटोच्या मुंबईतील सेवेवर परिणाम होण्याची शक्यता आहे. आपल्या विविध मागण्यांसाठी झोमॅटोचे डिलिव्हरी बॉय आजपासून संपावर जाणार आहेत.

झोमॅटोचे डिलिव्हरी बॉय यांच्या संपाला शिंदे गट प्रणित राष्ट्रीय कर्मचारी संघटनेच्या नेतृत्वामध्ये सर्व डिलिव्हरी बॉय हा लढा लढणार आहेत. दरम्यान, मुंबईतील झोमॅटो डिलिव्हरी बॉईजनी पुकारलेल्या संपामुळे ऑनलाईन फूड ऑर्डर करणाऱ्या मुंबईरांचे हाल होण्याची शक्यता आहे.

काय आहेत झोमॅटो डिलिव्हरी बॉईजच्या मागण्या?

डिलिव्हरी बॉईजला समान ऑर्डर मिळाव्या आणि पैसे वाढवून मिळावे. पीक अप 3 किमी आणि ड्रॉप 7 किमी असावा. जुन्या मात्र कमी केलेल्या मुलांना पुन्हा कामावर घेण्यात यावं. रायडरसोबत त्यांच्या कुटुंबियांनाही इन्शुरन्स मिळावा. इंसेंटिव्ह सर्वांना समान मिळावा आणि इतर मागण्यांसाठी झोमॅटोचे डिलिव्हरी बॉय संपावर जाणार आहेत.

या संपामुळे ऑनलाईन फूड ऑर्डर करणाऱ्यांची मोठी गैरसोय होण्याची शक्यता आहे.