अर्धापूर : पुण्यजागर प्रकल्पाच्या माध्यमातून आत्महत्या केलेल्या शेतकरी कुटुंबातील विद्यार्थ्यांना गेल्या पाच वर्षांपासून शैक्षणिक सुविधा उपलब्ध करून देण्यात येत आहेत. विद्यार्थ्यांना विविध विषयांतील तज्ज्ञ शिक्षकांकडून मार्गदर्शन करण्यात येणार आहे. तसेच व्यवसायीक दृष्टीकोनातून माहिती देण्यात येणार आहे. या इ-लर्निंग प्रकल्पाची सुरुवात लवकरच मान्यवरांच्या उपस्थितीत करण्यात येणार आहे. अशी माहिती भोई प्रतिष्ठानचे अध्यक्ष डॉ. मिलिंद भोई यांनी रविवारी केले. विद्यार्थ्यांना शालेय साहित्य, टॅब देण्यात आले. या ई-लर्निंगच्या माध्यमातून पुण्यातील विविध विषयातील तज्ञ शिक्षक तसेच साहित्य चित्र कला क्रीडा नृत्य आदी विषयातील तज्ञ या मुलांशी वर्षभर संवाद साधणार आहेत.

अर्धापूर तालुक्यातील आत्महत्या केलेल्या शेतकरी कुटुंबातील विद्यार्थ्यांसाठी गेल्या पाच वर्षांपासून पुण्यातील भोई प्रतिष्ठानच्या पुढाकारातून पुण्यजागर प्रकल्प राबविण्यात येत आहे. या प्रकल्पाच्या माध्यमातून विद्यार्थ्यांना शैक्षणिक सुविधा उपलब्ध करून देण्यात येतात. विद्यार्थ्यांना तज्ज्ञ शिक्षकांचे मार्गदर्शन मिळावे यासाठी यंदाच्या शैक्षणिक वर्षात तंत्रशाळा हा विशेष उपक्रम राबविण्यात येणार आहे. या वेळी पुण्यातील सेवा निवृत्त शिक्षण उपसंचालक अनिल गुंजाळ, शिक्षण तज्ज्ञ आर्चिता मडके, डॉ. वैभव पूरंदरे, डॉ. ऋषीकेश आंदळकर, दत्ता टोकलवाड, प्रतिक गाडे आदी उपस्थित होते. मेळावा यशस्वी करण्यासाठी गूणवंत विरकर गजानन मेटकर, शेख साबेर, शंकर ढगे, जगन्नाथ शेटे, सुरेश वळसे यांनी पुढाकार घेतला.