नांदेड : प्रवाशांची गर्दी लक्षात घेऊन दक्षिण- मध्य रेल्वेच्या नांदेड विभागाने पुणे-नांदेड, पनवेल, नरसापूर यासह अन्य रेल्वेच्या डब्यांना मुदतवाढ दिली आहे. सतना रेल्वे स्थानकावर सतना-बरेठीया या नवीन रेल्वेलाइनचे कामासाठी लाइनब्लॉक घेण्यात आला आहे. यामुळे जालना-छपरा-जालना विशेष गाडीच्या दोन फेऱ्या रद्द करण्यात आल्या आहेत.

नांदेड-पनवेल ९ सप्टेंबर ते २ ऑक्टोंबर, नांदेड-पुणे १ ते ३१ सप्टेंबर , नांदेड-संभलपूर एक सप्टेंबर ते २ ऑक्टोंबर , नांदेड-अंबु अंबोरा ३ ते २४ सप्टेंबर या रेल्वेंचे एक स्लीपर व थर्ड एसी कोच वाढविण्यात आला आहे. १८ आणि २५ सप्टेंबर रोजी धावणारी जालना ते छपरा (०७६५१) विशेष रेल्वे गाडी रद्द करण्यात आली आहे. २० आणि २७ सप्टेंबर, रोजी धावणारी छपरा ते जालना (०७६५२) विशेष गाडी रद्द करण्यात आली आहे.