नांदेड : कोरोना रुग्णांची संख्या कधी कमी तर कधी जास्त होत आहे. शुक्रवारी (ता.३१) प्राप्त झालेल्या ८५० अहवालापैकी चार व्यक्तींचे अहवाल कोरोनाबाधित आले आहेत. दुसरीकडे दिवसभरात चार रुग्ण बरे झाल्याने त्यांना सुटी देण्यात आली. सध्या १६ रुग्ण उपचार घेत असून दोन बाधितांची प्रकृती अतिगंभीर आहे.(Four reports positive in the district on Friday)

जिल्ह्यात आजवर एकूण बाधितांची संख्या ९० हजार ५५० एवढी झाली असून यातील ८७ हजार ८७९ रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या दोन हजार ६५५ एवढी आहे. शुक्रवारी दिवसभरात नांदेड महापालिकातंर्गत गृह विलगीकरणात तीन तर, नायगाव तालुक्यातील एक असे चार कोरोना बाधितांना औषधोपचारानंतर सुटी देण्यात आली आहे. सध्या विष्णुपुरीच्या डॉ. शंकरराव चव्हाण शासकीय रुग्णालयात दोन, नांदेड महापालिकातंर्गत गृह विलगीकरणातील १३ तर खासगी रुग्णालयातील एक असे एकूण १६ रुग्णांवर उपचार सुरु आहेत. त्यापैकी दोघांची प्रकृती गंभीर आहे.(corona update in Nanded)

नांदेड कोरोना मीटर

• एकूण पॉझिटिव्ह : ९० हजार ५५०

• एकूण कोरोनामुक्त : ८७ हजार ८७९

• एकूण मृत्यू : दोन हजार ६५५

• शुक्रवारी पॉझिटिव्ह : चार

• शुक्रवारी कोरोनामुक्त : चार

• शुक्रवारी मृत्यू : शून्य

• गंभीर रुग्ण : दोन

• उपचार सुरु : १६