नांदेड : दक्षिण मध्य रेल्वेने उत्सव काळात प्रवाशांच्या सोयीकरिता उत्सव विशेष गाड्या सुरु केल्या आहेत. यापैकी काही उत्सव विशेष गाड्यामध्ये प्रवाशी संख्या अत्यंत कमी असल्यामुळे या गाड्या रद्द केल्या आहेत. 

आत्ता सुरु असलेली  गाडी संख्या 07613 / 07614  नांदेड-पनवेल-नांदेड या उत्सव विशेष गाडीला प्रवाशांच्या मागणीवरुन आणखी आठ दिवस मुदत वाढ देण्यात आली आहे. 

हेही वाचा - नांदेड : सार्वजनिक बांधकाम मंत्र्यांच्या मतदारसंघातच रस्त्याची दुरावस्था

गाडी संख्या 07614 नांदेड-पनवेल : या कार्यालयाने पूर्वी घोषित केल्यानुसार ही गाडी ता. २३ नोव्हेंबरपासून रद्द केली होती. परंतु जनतेच्या मागणीवरुनया गाडीची मुदत ता. २३ नोव्हेंबर ते ता. २९ नोव्हेंबरपर्यंत वाढविण्यात आली आहे.  

गाडी संख्या 07613 पनवेल ते नांदेड :  या कार्यालयाने पूर्वी घोषित केल्यानुसार ही गाडी ता. २४ नोव्हेंबरपासून रद्द केली होती. परंतु जनतेच्या मागणीवरुन या गाडीची मुदत ता. २४ नोव्हेंबर ते ता. ३० नोव्हेंबरपर्यंत वाढविण्यात आली आहे.  या गाडीचा प्रवाशांना लाभ घ्यावा असे आवाहन दक्षिण मध्य रेल्वेचे विभागीय व्यवस्थापक उपिंदर सिंघ यांनी केले आहे.