नांदेड : जिल्ह्यात घरफोडीचे प्रमाण वाढले असून, तीन ठिकाणी घरफोड्या झाल्या. यात एकूण पाच लाखांवर ऐवज लंपास करण्यात आला. जिल्ह्यातील कंधार, बिलोली व किनवट तालुक्यात घरफोडे सक्रिय झाल्याचे या घटनांवरून दिसून आले.
पहिल्या घटनेत कंधार तालुक्यातील दिग्रस (बु.) येथे चोरट्याने मंगळवारी (ता. ४) जून रोजी फिर्यादीच्या राहत्या घराच्या मेन गेटचे व घराचे कुलूप तोडून आत प्रवेश केला. त्यानंतर कपाटाची चावी घेऊन कपाट उघडून सोन्या-चांदीचे दागिने, रोख रक्कम असा एकूण तीन लाख ६८ हजारांचा ऐवज चोरून नेला.
दुसऱ्या घटनेत बिलोली तालुक्यातील बाभळी येथे मंगळवारी (ता. ४) रोजी फिर्यादी व त्याची पत्नी हे त्यांच्या बहिणीकडे गेले असता अज्ञात आरोपीने घराचे कुलूप तोडून घरात प्रवेश केला व कपाट फोडून नगदी ९० हजार व दागिने असा एक लाख ९९ हजारांचा मुद्देमाल चोरून नेला.
तिसऱ्या घटनेत इस्लापूर (ता. किनवट) येथे मंगळवारी फिर्यादी हे घराला कुलूप लावून वहिनीच्या घरी गेले असता, चोरट्याने घराचे कुलूप तोडून बांधकामासाठी ठेवलेले नगदी ५० हजार व शेजारील माधव मोतेवार यांच्या घराचे कुलूप तोडून ११ हजार रुपये असा एकूण ६१ हजारांचा ऐवज लंपास केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.