अर्धापूर : दीवाळी पाडव्याच्या दिवशी अर्धापूर शहरातील गवळी समाजाच्या वतीने पारंपरिक पद्धतीने म्हैस रेड्याचा पोळा मंगळवारी (ता १४) सायंकाळी काढण्यात आला.शहरातील प्रमुख मार्गावरून सजवलेल्या म्हैस, रेड्यांची खास मिरवणूक आकर्षणाचे केंद्रबिंदू ठरले.शहरातील पशुपालकांनी दीवाळी पाडव्याच्या शुभेच्छा देऊन उत्साहात दीवाळी साजरी करण्यात आली.
शहरातील गवळी समाज व पशुपालकांच्या वतीने दरवर्षी पारंपरिक पद्धतीने म्हैस रेड्याचा पोळा साजरा करण्यात येतो.शहरात गवळी समाज बांधव खूप मोठ्या संख्येने उत्सवात सहभागी होतात.गवळी समाजाचा हा एक वर्षातील सर्वात मोठ्या सण मानला जातो.म्हशीला लक्ष्मी समजून पुजा करण्यात येते्.
शहरातील गवळी गल्ली भागातुन सजवलेल्या म्हैस, रेड्याची सवाद्य मिरवणूक काढण्यात आली.ही मिरवणूक बालाजी मंदिर, मारुती मंदिर परिसरातून केंद्रीय प्राथमिक शाळेच्या मैदानावर गेलीं.या मैदानावर म्हशी व रेड्यांची पळविण्याची स्पर्धा झाली. ही स्पर्धा पाहण्यासाठी शहरातील नागरिकांना खूप मोठी गर्दी केली होती.
गवळी समाज व पशुपालकांनी पारंपरिक पद्धतीने म्हैस रेड्यांची पुजा करून पूरणपोळीचा नैवेद्य दाखवतात. आशा प्रकारची मिरवणूक अर्धापूर तालुका व परिसरातील गावात फक्त अर्धापूर शहरातच काढण्यात येते.रेड्यांना विविध रंगांनी रंगऊन वर्तमान घडामोडींवर भाष्य करणारे नांव लिहण्यात येतात.तसेच म्हैस, रेड्यांना खास सजवून हि मिरवणूक काढण्यात आली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.