मुदखेड (जिल्हा नांदेड) : दरवर्षी जागतिक पर्यावरण ता. पाच जून हा जगभर साजरा केला जातो. यावर्षीही शहरातील केंद्रीय राखीव पोलिस प्रशिक्षण महाविद्यालयात कमांडंट लीलाधर महारानीया, ​​ग्रामीण रुग्णालयाचे वैद्यकीय अधीक्षक डॉ. दिलीप फुगारे, मुदखेड नगर परिषदेचे मुख्याधिकारी प्रशांत पाटील, नांदेडचे वन अधिकारी पी. एन. तिडके यांनी स्वत: च्या नावे वृक्ष लावून या मोहिमेची सुरुवात केली.

यावेळी कमांडंट लीलाधर महारानीया बोलताना म्हणाले की, जीवनात पर्यावरण संरक्षणाबद्दल, आज आपण हळूहळू ग्लोबल वार्मिंग आणि प्रदूषण यासारख्या आपत्तींनी वेढले आहोत. जर आपण योग्य वेळी योग्य पाऊले उचलली नाहीत तर पृथ्वीचा भविष्यात नाश होण्याची शक्यता आहे. आपल्या सभोवताली पर्यावरण सौंदर्य पाहून आपणास किती आनंद होत आहे, आणि प्रत्येक माणसाने मी निसर्गाचे जतन करण्याचे वचन घेतले पाहिजे. तोपर्यंत तो निसर्गाचे प्रदूषण करीत असताना विचार करत नाही आणि जोपर्यंत स्वच्छ ठेवणे माझे कर्तव्य आहे, तोपर्यंत हे कठीण आहे पर्यावरणाचे रक्षण करण्यासाठी. पर्यावरण हरित ठेवण्यासाठी आपण दरवर्षी झाडे लावावीत. मुलांना पर्यावरण संरक्षणाविषयी जागरुक केले पाहिजे. आजच्या आधुनिक युगात आपण जितक्या वेगाने तंत्रज्ञानाकडे जात आहोत तितके वेगाने पर्यावरणाचे रक्षण करता यावे. त्यामुळे आपल्याला तंत्रज्ञानासह पर्यावरणाची पूर्ण काळजी घ्यावी लागेल आणि आपल्या गावाचे व शहराचे वातावरण स्वच्छ व हिरवेगार राखण्यासाठी सतत वृक्ष लागवड करणे आवश्यक आहे. असेही ते या वेळी बोलना म्हणाले.

हेही वाचा - जिल्ह्यात आजवर एकुण बाधितांची संख्या 90 हजार 369 एवढी झाली असून यातील 87 हजार 261 रुग्णांना रुग्णालयातून सुट्टी देण्यात आलेली आहे.

त्यानंतर सर्व अधीनस्थ अधिकारी, सैनिक आणि प्रशिक्षणार्थी यांनी मोठ्या प्रमाणात झाडे लावली ज्यात निंब, जॅकफ्रूट, अर्जुन, बाभूळ, महुआ, गूलमोहर, जामुन, सीताफळ, अमलतास इत्यादींची रोपे लावली गेली आणि या मोहिमे अंतर्गत पाच हजार झाडे लावण्याचा संकल्प जवानांकडून केला गेला.

प्रशिक्षण केंद्राचे मुख्य वैद्यकीय अधिकारी डॉ. डी. के मिश्रा, उप कमांडंट पुरुषोत्तम जोशी, उपकमांडंट कपिल बेनीवाल, वन विभागाचे अधिकारी बी. एल राहुलवाड, सहाय्यक उप कमांडंट पुरुषोत्तम राजगडकर, सहाय्यक उप- कमांडंट रुपेश कुमार, डॉ. मोहम्मद सरफराज, एस. एम. बसंतकुमार, उपनिरीक्षक हरीसिंह, एम. व्ही तेलंगे यांच्यासह केंद्रातील अधिकारी, प्रशिक्षनार्थी, जवान या वेळी मोठ्या संख्येने उपस्थित होते.

संपादन- प्रल्हाद कांबळे