सोलापूर : रिक्षाच्या धडकेने आईच्या कडेवर बसलेला दीड वर्षाचा जयदीप खाली पडला... भरधाव चारचाकी वाहनाच्या चाकाखाली सापडून जयदीपचा मृत्यू झाला. ही घटना रविवारी रात्री साडेआठच्या सुमारास सोलापूर-मंगळवेढा रस्त्यावर देगाव परिसरातील पोलिस चौकीजवळ घडली. 

हेही वाचा : ओएलएक्‍सवर बाईकची जाहिरात! वाचा कसा फसला तरुण..

जयदीप रतन गायकवाड (वय 18 महिने, रा. भीमनगर, देगाव, सोलापूर) असे मृत बालकाचे नाव आहे. ही घटना रविवारी रात्री साडेआठच्या सुमारास जयदीपची आई चैताली या रस्ता ओलांडत होत्या. बसवेश्‍वर तांड्याकडून आलेल्या भरधाव रिक्षाने चैताली यांना जोराची धडक दिली. या घटनेत चैताली यांच्या कडेवर बसलेला जयदीप खाली पडला. त्याच दरम्यान भरधाव चारचाकी वाहन तेथून जात होते. त्या चारचाकी वाहनाच्या खाली सापडून जयदीप गंभीर जखमी झाला. 

हेही वाचा : शिकारी पक्षी पहायचेत... चला, मग 'इथे' भेट द्या!

या अपघातानंतर जखमी चैताली यांना व जयदीपला नातेवाईक सिद्राम हलकवडे यांनी उपचारासाठी शासकीय रुग्णालयात दाखल केले. मात्र उपचारापूर्वीच जयदीपचा मृत्यू झाला. या घटनेची नोंद सिव्हिल हॉस्पिटल पोलिस चौकीत झाली आहे. याप्रकरणी गुन्हा दाखल करण्याची प्रक्रिया रात्री उशिरापर्यंत सलगर वस्ती पोलिसात सुरु होती.