किल्लेमच्छिंद्रगड (जि. सांगली) - आत्मविश्वासाने, कष्टाने स्वतःचे करीयर घडविल्यास यश निश्चित मिळते. शेतकरी शिक्षण प्रसारक मंडळांतंर्गत असलेल्या शैक्षणिक संस्थांनी १९६२-६३ पासुन विद्यार्थी घडविण्यासाठी अपार कष्ट घेतल्याने आज या संस्थेचे विद्यार्थी देशातील अनेक मोठ्या संस्था, हॉस्पिटल व परदेशातील नामांकित इन्स्टिट्यूट मध्ये दिसून येतात.

इथे विद्यार्थ्यांना सर्व सुविधा देण्याबरोबरच चांगला माणुस घडविण्यासाठी प्रयत्न केले जातात. 'असे मत कृष्णा विश्व विद्यापीठाचे कुलपती व शेतकरी शिक्षण प्रसारक मंडळाचे अध्यक्ष डॉ. सुरेश भोसले यांनी येथे व्यक्त केले.

शेतकरी शिक्षण प्रसारक मंडळ, रेठरे बुद्रुक या संस्थेने आयोजित केलेल्या 'माजी विद्यार्थी (२०२४-२५) स्नेह मेळाव्यात' प्रमुख पाहुणे म्हणून ते बोलत होते. अध्यक्षस्थानी संस्थेचे सचिव दिलीपराव पाटील होते.

यावेळी प्रमुख पाहुणे डॉ. अतुल भोसले यांनी, विद्यार्थ्यांना स्वाभिमानाने जगण्याच्या सल्ला देण्याबरोबरच जगाच्या पाठीवर कुठेही कार्यरत राहण्याचे धाडस, प्रयत्न असले पाहिजेत तसेच स्व-बळावर पुढे जाण्यासाठी धडपड असावी असा संदेश दिला.

शेतकरी शिक्षण प्रसारक मंडळाच्या यशस्वी विद्यार्थ्यांचे अभिनंदन करून १९६२-६३ पासुन या भागाचा विकास करण्यासाठी आदरणीय आप्पासाहेब यांनी घेतलेल्या कष्ट व त्यांच्या दुरदृष्टीच्या योजनांचा आजचा प्रभाव स्पष्ट केला.

आपल्या खुमासदार वक्तृत्व शैलीत डॉ. सुरेश व अतुल भोसले यांनी तीन तास चाललेल्या या स्नेह मेळाव्यात उपस्थितांची मने जिंकली.

यावेळी १९६२-६३ च्या विद्यार्थ्यां पासून आजपर्यंतच्या विद्यार्थ्यांपर्यंतच्या विद्यार्थ्यांनी प्रातिनिधिक स्वरूपात आपली मते मांडली. प्रा. सी वाय चव्हाण यांनी प्रास्ताविक केले व आभार जयवंत इंजिनियरिंग कॉलेजचे प्राचार्य डॉ. ए. जे. गुजर यांनी आभार मानले.

यावेळी शेतकरी शिक्षण प्रसारक मंडळाच्या सर्व संचालक मंडळाबरोबर, सर्व क्षेत्रातले आजी माजी हजारो विद्यार्थी उपस्थित होते.