शिराळा - चांदोली धरण पाणलोट क्षेत्रात पावसाची संततधार सुरू असून चांदोलीत पावसाचा जोर थोडा कमी झाला आहे. धरणात १२३९८ क्यूसेसने पाण्याची आवक सुरु आहे. २४ तासात चांदोलीत ५७ मी.मी. पावसाची नोंद झाली आहे.

चांदोली धरण व वारणा नदीच्या पाणी पातळीत वाढ होत आहे. त्यामुळे अनेक ठिकाणी वारणा काठाची पिके पाण्याखाली गेली आहेत. धरणाच्या सांडवा पातळीस पाणी आल्याने धरणाच्या जलाशय परिचालन सूची प्रमाणे धरणाची पाणी पातळी नियंत्रित ठेवण्यासाठी धरणातून उद्या सकाळी सांडव्यावरून पाणी सोडण्यात येणार आहे. त्यामुळे वारणा काठला सावधानतेचा इशारा धरण प्रशासनाने दिला आहे.

आज पावसाचा जोर कालच्या पेक्षा कमी आहे. असला तरी अधून मधून पावसाची संततधार सुरु आहे. सायंकाळी चार वाजता धरणाच्या पाण्याची पातळी ६१९.१० मीटर आहे. पाणीसाठा ७७१.१०० दलघमी असून २७.२३ टी.एम.सी म्हणजे ७९.१५ टक्के पाणीसाठा आहे.

सोमवारी सकाळी आठ ते मंगळवारी सकाळी या २४ तासात ५७ मी.मी तर मंगळवारी सकाळी आठ ते सायंकाळी चार पर्यंत आठ तासात २० मी .मी .अशा एकूण ९४९ मी. मी.पावसाची नोंद झाली आहे. कोकरूड ते रेठरे, मांगले -सावर्डे, शिराळे खुर्द- माणगाव हे बंधारे पाण्याखाली गेलेले आहेत.

शिराळा तालुक्यात मंडल निहाय मी.मी. मध्ये पडलेला पाऊस

कोकरूड - ३७.५

शिराळा १७.८

शिरशी १७.८

मांगले- १७.८

सागाव २०.५

चरण - ३७.८

धरण क्षेत्रातील पर्जन्यमापक यंत्रावर झालेली नोंद

पाथरपुंज १८३ (२०९८)

निवळे ४० (२१७३)

धनगरवाडा ६८ (१२४६)

चांदोली ५७ ( ९२९ )

मध्यम प्रकल्प व लपा तलाव पाणीसाठा टक्केवारी

मोरणा धरण -७९ .

ल.पा.तलाव वाकुर्डे -१००

ल.पा.तलाव अंत्री बुद्रुक- ७४

ल.पा.तलाव शिवणी -४२

ल.पा.तलाव टाकवे -३६

ल.पा.तलाव रेठरे धरण -२

ल.पा.तलाव कार्वे -०