या प्रकरणाची सखोल चौकशी करून पोलिसांनी गुन्हा दाखल करून आरोपीला अटक केली आहे.
आटपाडी : आटपाडी तालुक्यातील एका गावातील नराधम बापानेच स्वतःच्या दोन्ही मुलींचा विनयभंग करून एकीला घरापासून लांब नेऊन लैंगिक अत्याचार करून माणुसकीला काळिमा लावण्याची घटना घडली आहे. यासंबंधी नराधमाच्या पत्नीने पीडितेच्या आईने नराधमाच्या विरोधात आटपाडी पोलिस ठाण्यात तक्रार दाखल केली आहे. दरम्यान या प्रकरणाची सखोल चौकशी करून पोलिसांनी गुन्हा दाखल करून आरोपीला अटक केली आहे.
पोलिसांनी दिलेली अधिक माहिती अशी, की हे कुटुंब मोलमजुरी करते. तालुक्यातील त्यांच्या मूळ गावांतून दुसऱ्याच्या गावात मोलमजुरी करण्यासाठी स्थलांतरित झाले आहे. या कुटुंबात पती-पत्नी आणि दोन अल्पवयीन मुली आहेत. संशयित आरोपीला दारूचे व्यसन आहे. काल दुपारी संशयित बापाने स्वतःच्या चौदा वर्षीय मुलीवर अत्याचार करण्याचा प्रयत्न केला. तिने विरोध केल्यावर लहान बारा वर्षीय मुलीला बोर घेऊन येऊ असे म्हणून बाहेर घेऊन गेला. शेतात स्व:ताच्या मुलीवरच लैंगिक अत्याचार केला. या घटनेने मुलगी भयभीत झाली. तिने आई घरी आल्यावर अत्याचाराची माहिती सांगितली. त्यानंतर मुलीच्या आईने आटपाडी पोलिस ठाण्यात तक्रार दाखल केली. नराधम बापास पोलिसांनी अटक केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.