मिरज : मिरज पुर्व भागातील वड्डी येथील एका फार्म हाऊसवर पुणे सीमा शुल्क विभागाने छापा टाकून अंमली पदार्थाचा साठा हस्तगत केल्याची समोर येत आहे. कारवाईबाबत गोपनीयता बाळगण्यात आली याप्रकरणी कोणतीही अधिकृत माहिती देण्यात आलेली नाही. अधिक माहिती अशी, की मिरजेतील एका उद्योजकाच्या फार्म हाऊसवर सांगली केंद्रीय उत्पादन शुल्क विभागाच्या मदतीने पुणे विभागीय केंद्रीय सीमा शुल्क विभागाच्या पथकाने काल मध्यरात्री छापा टाकून अमली पदार्थांचा साठा जप्त केला. आज रात्री उशिरापर्यंत ही कारवाई सुरू होती. मात्र हा साठा नेमका कोणाचा याची शहानिशा सुरु असल्याने याबाबत अद्याप कोणावर गुन्हा दाखल झाला नसल्याचे सांगण्यात आले.

जप्त केलेल्या अंमली पदार्थाच्या साठ्याची लाखो रुपये किंमत असून केंद्रीय पथकाने अचानक छापा टाकून अंमली पदार्थांचा साठा जप्त केल्याने याबाबत शहरात दिवसभर चर्चा सुरू होती. ही संस्था एक भारतीय केंद्रीय कायदा अंमलबजावणी आणि गुप्तचर संस्था आहे. नार्कोटिक ड्रग्ज अँड सायकोट्रॉपिक पदार्थ कायद्याच्या तरतुदींनुसार अंमली पदार्थांची तस्करी आणि बेकायदेशीर पदार्थांच्या वापराशी लढा देण्याचे काम एजन्सीकडे आहे. त्यानुसार माहिती प्राप्त झाल्यानंतर ही कारवाई करण्यात आल्याचे सांगण्यात येत आहे.