कोल्हापूर - आरोप-प्रत्यारोपांच्या फैरींनी गाजत असलेल्या कोल्हापूर जिल्हा दूध उत्पादक संघाच्या (गोकुळ) 61व्या वार्षिक सर्वसाधारण सभेत (Gokul Dudh Sangh) गोंधळ पाहायला मिळाला. सभेपूर्वीच बॅरिकेडस तोडून आत जाण्याचा प्रयत्न महाडिक गटाच्या सभासदांकडून करण्यात आला. सर्वसाधारण सबेतील गोंधळावर संचालक शौमिका महाडिक यांनी प्रतिक्रिया दिली आहे.

वार्षिक सभेत संचालिका शौमिका महाडिक (Shoumika Mahadik) यांनी उपस्थित केलेले प्रश्‍न व त्याची सभेत मागितलेली उत्तरे यावरून राजकीय ईर्ष्या पाहायला मिळणार हे स्पष्टच होतं. संघाची सभा आज संघाच्या मालकीच्या पंचतारांकित औद्योगिक वसाहतीतील पशुखाद्य कारखान्यात सुरू होण्यापूर्वी गोंधळ पाहायला मिळाला.

यावेळी शौमिका महाडिक म्हणाल्या की, सभेत बसलेले सभासद आहेत ते निम्म्याहून अधिक बोगस आहे. ते झेरॉक्स कॉपी घेऊन आलेले आहेत. मला असं सांगण्यात आलं की, इथेच राहून झेरॉक्स कॉपी वाटण्यात आली आहे. त्यामुळे आत असलेले ठरावधारक बोगस आहे. बाहेर दोन किलोमीटर दूरवर सभासद आहे. यापूर्वी असं कधीही झालं नव्हतं. बॅरीगेट लावण्याची कधीही पद्धत नव्हती. याचा अर्थ खरे सभासद येथे येऊन प्रश्न विचारायला नको होते, असा आरोप शौमिका महाडिक यांनी केला.