वारणावती -  चांदोली धरणाच्या मुख्य भिंतीवर सुरक्षेसाठी लावण्यात आलेले सहा सीसीटीव्ही कॅमेरे व स्ट्रिट लाईट दीड महिन्यांपासून बंद आहेत. यामुळे धरणाच्या सुरक्षेचा प्रश्न निर्माण झाला आहे.

स्ट्रीट लाईट बंद आहेत. मुख्य भिंतीच्या बाजूला बांधलेल्या नवीन पोलिस चौकीचा विद्युत पुरवठा बंद असल्याने आहे. सीसीटीव्ही कॅमेरे बंद आहेत. धरणाच्या पायथ्याशी दोन वीजनिर्मिती केंद्रे आहेत. तरीदेखील धरण परिसर अंधारात बुडालेला असतो. दोन्ही पोलिस चौक्‍यांवर पिण्याच्या पाण्याची सोय नाही. धरणाच्या गेटपासून मुख्य भिंतीकडे जाणारे रस्ते उखडलेले आहेत. धरण परिसराला कुठल्याही प्रकारचे सुरक्षा कुंपण नाही.  चांदोली राष्ट्रीय अभयारण्यातून आलेल्या हिंस्त्र प्राण्यांचा सामना करीत पोलिसांना कर्तव्य बजावण्याची वेळ आली आहे.