कोल्हापूर - नवऱ्याने सोडून दिलेल्या मुलीवर बलात्कार करणाऱ्या नराधम बापास आज येथील न्यायालयाने जन्मठेपेची शिक्षा सुनावली. दत्तात्रय दादू कांबळे (कदमवाडी, कोल्हापूर) असे आरोपीचे नाव आहे.

2015 मध्ये ही घटना घडली होती. याबाबत मिळालेली माहिती अशी की, दत्तात्रय दादू कांबळे यांना अन्य नातेवाईक नाहीत. या घटनेपूर्वी दत्तात्रय यांच्या पत्नीचे निधन झाले होते. पिडित मुलीस नवऱ्याने सोडून दिल्यामुळे ती माहेरीच राहण्यास होती. या मुलीच्या असहाय्यतेचा गैरफायदा घेत त्यांनी मारहाण करत या मुलीवर बलात्कार केला होता. या प्रकरणात आरोपीच्या वयाचा सहानूभुतीपूर्वक विचार न करता जास्तीत जास्त शिक्षा सुनावण्यात यावी अशा युक्तीवाद सरकारी वकिल मंजूषा पाटील यांनी केला.