कोल्हापूर : आयटी पार्क रस्त्यावर सायंकाळी खोक्यात घालून अर्भक टाकल्याची चर्चा सुरू झाली. तशी पोलिसांची चांगलीच तारांबळ उडाली. बघ्यांचीही गर्दी झाली होती. मात्र, तपासणीअंती खोक्यात आढळलेला मांसल भाग प्राण्याचा असल्याचे निष्पन्न झाल्याने पोलिसांनी सुटकेचा निःश्वास सोडला.
हॉकी स्टेडियम ते आयटी पार्क रस्त्यावर एक खोके पडले होते. सायंकाळी खोके तुटून त्यातून मांसल भाग रस्त्यावर पसरला. ये-जा करणाऱ्या नागरिकांच्या निदर्शनास आले. तशी बघ्यांची गर्दी जमली. यातून हे अर्भक असावे, असा संशय व्यक्त करण्यात आला. बघ्यांतील एकाने जुना राजवाडा पोलिसांना माहिती दिली.
पोलिसांनी घटनास्थळी धाव घेतली. प्राथमिक खात्री करून घेण्यासाठी जनावरांच्या डॉक्टरांना बोलवून घेतले. त्यांनी हा मांसल भाग प्राण्यांशी संबंधित असल्याचे सांगितले. त्यानंतर भागाची तपासणी केली. त्या वेळी त्यातून कुत्र्याची मृत पिले बाहेर काढण्यात आली.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.