कोल्हापूर : झोपेत सत्ता कशी येते हे अजित पवारांना माहिती आहे. भाजपसोबत एका रात्रीत आलेली सत्ता त्यांनी अनुभवली आहे. अजित पवारांना ना कोणते तत्त्व, ना कोणता व्यवहार आहे. सत्ता कोणाचीही येवो त्यांचे उपमुख्यमंत्रीपद नक्की आहे. त्यामुळे अजित पवारांनी तोंड सांभाळून बोलावे. असा दम भाजप प्रदेशाध्यक्ष चंद्रकांत पाटील यांनी उपमुख्यामांत्री अजित पवार यांना दिला. केंद्रातील भाजप सत्तेला सात वर्षे पूर्ण झाली या निमित्ताने पक्षाच्यावतीने विविध सेवा उपक्रमांचे आयोजन करण्यात आले. या उपक्रमाचे उद्घाटन चंद्रकांत पाटील यांच्या हस्ते झाले त्यावेळी त्यांनी प्रसारमाध्यमांशी संवाद साधला.

सत्ता बदलाचे भाकीत करताना चंद्रकांत पाटील जागे होते का. अशी टीका अजित पवारांनी केली होती. या टीकेला उत्तर देताना चंद्रकांत पाटील म्हणाले, 'झोपेत असताना सत्ता कशी आणायची हे अजित पवारांना चांगले माहिती आहे. एका रात्रीत आलेली सत्ता त्यांनी तीन दिवस अनुभवली आहे. त्यांच्यासोबत आलेल्या आमदार परत पवारांकडे पळून गेले. त्यामुळे भाजपबरोबर त्यांनी केलेले सरकार पडले. अजित पवारांना कोणतेही तत्त्व किंवा व्यवहारात नाही.

भाजप बरोबरी त्यांनी उपमुख्यमंत्री पदाची शपथ घेतली आणि आता शिवसेनेबरोबरही ते उपमुख्यमंत्री आहेत. त्यांना कोणते तत्त्व ना कोणता व्यवहार आहे. पण पवारांनी एक गोष्ट लक्षात ठेवावी की आम्ही फाटके आहोत. आम्ही बोललो तर त्यांची पंचाईत होईल. त्यामुळे त्यांनी तोंड सांभाळून बोलावे. असा सज्जड दम चंद्रकांत पाटील यांनी अजित पवारांना दिला. खासदार संभाजीराजे यांच्याबद्दल चंद्रकांत पाटील म्हणाले, 'कोविद संपल्यावर मराठा आरक्षण प्रश्नावर आंदोलन करू अशी संभाजी राजे यांची भूमिका आहे. ती आम्हाला मान्य नाही. कोबीड आणि मराठा आरक्षण यांचा काही संबंध नाही.'

पेट्रोलवर असलेला राज्याचा कर कमी करा

पेट्रोल वर राज्य सरकार व केंद्र सरकार दोन्ही कर असतात. राज्य सरकारने आपले कर कमी केले तर पेट्रोलच्या किमती कमी होतील. अन्य राज्यात महाराष्ट्राच्या तुलनेत पेट्रोलच्या किमती कमी आहेत. असे चंद्रकांत पाटील यांनी सांगितले.